Kamu z apazicyi na vybarach napisali najbolš hałasoŭ REJTYNH

Nichto z pradstaŭnikoŭ apazicyi pa vynikach hałasavańnia 17 listapada nie trapiŭ u parłamient. U Pałacie pradstaŭnikoŭ buduć tolki praŭładnyja kandydaty.

Pavialičyć

«Naša Niva» aznajomiłasia z kančatkovymi ličbami CVK, kab pahladzieć, kolki ž hałasoŭ nabrali pradstaŭniki apazicyi, pavodle aficyjnych ličbaŭ.

Kali brać pracentna, to najlepšy pakazčyk u Mikałaja Łysionkava z Stoŭbcaŭ.

Za jaho, jak ličycca, addali svaje hałasy 13,1% vybarcaŭ, što pryjšli na hałasavańnie. Łysionkaŭ navat pieramoh na ŭčastku ŭ vioscy Stary Śvieržań. Dalej idzie stolinski sacyjał-demakrat Siarhiej Mazan, u jaho 12,52%. Lidar kampanii «Havary praŭdu» Andrej Dźmitryjeŭ nabraŭ 12,51%.

Zatoje ŭ absalutnaj kolkaści hałasoŭ Dźmitryjeŭ zajmaje pieršaje miesca, u jaho 6375 hałasoŭ.

Usiaho na 39 hałasoŭ mienš u Mikałaja Łysionkava. A zamykaje tut trojku Siarhiej Mazan — 5767 hałasoŭ.

U Minsku niečakana najlepšy vynik siarod usich apazicyjanieraŭ napisali pradstaŭniku partyi BSDH (lidar Siarhiej Čeračań) Andryjanu Dyboŭskamu — 10,94%, albo 4738 hałasoŭ. Dyboŭski bałatavaŭsia ŭ Sucharavie, a pracuje jon pradprymalnikam.

Rejtynh pa pracentach:

1. Łysionkaŭ (Havary praŭdu, Stoŭbcy) — 13,1
2. Mazan (BSDP, Stolin) — 12,52
3. Dźmitryjeŭ (Havary praŭdu, Dziaržynsk) — 12,51
4. Kanius (BSDP, Brest) — 11,38
5. Dyboŭski (BSDH, Minsk) — 10,94
6. Alšeŭski (AHP, Dziatłava) — 10,84
7. Vieštard (BSDP, Smarhoń) — 10,15
8. Damaskina (BNF, Navapołack) — 9,47
9. Davidovič (AHP, Iŭje) — 9,24
10. Sarančukoŭ (BNF, Hrodna) — 9,23
11. Kraŭcova (Zialonyja, Zasłaŭje) — 9,12
12. Kavaluk (BSDP, Drahičyn) — 8,79
13. Hałanina (BSDP, Kobryn) — 8,31
14. Kanieŭskaja (AHP, Homiel) — 8,11
15. Aparyn (Spraviadlivy śviet, Minsk) — 7,94
16. Levačoŭ (Havary praŭdu, Lepiel) — 7,85
17. Čarnavus (BNF, Baranavičy) — 7,65
18. Pietrusievič (BSDP, Biełaviežskaja) — 7,62
19. Šor (Spraviadlivy śviet, Lida) — 7,6
20. Masłoŭski (BSDP, Brest №4) — 7,47

Rejtynh pa kolkaści hałasoŭ:

1. Dźmitryjeŭ (Havary praŭdu, Dziaržynsk) — 6375
2. Łysionkaŭ (Havary praŭdu, Stoŭbcy) — 6336
3. Mazan (BSDP, Stolin) — 5767
4. Alšeŭski (AHP, Dziatłava) — 5161
5. Davidovič (AHP, Iŭje) — 4944
6. Damaskina (BNF, Navapołack) — 4874
7. Dyboŭski (BSDH, Minsk) — 4738
8. Vieštard (BSDP, Smarhoń) — 4572
9. Kraŭcova (Zialonyja, Zasłaŭje) — 4524
10. Hałanina (BSDP, Kobryn) — 4482
11. Kavaluk (BSDP, Drahičyn) — 4468
12. Pietrusievič (BSDP, Kamianiec) — 4096
13. Kanieŭskaja (AHP, Homiel) — 4062
14. Čarnavus (BNF, Baranavičy) — 4036
15. Levačoŭ (Havary praŭdu, Lepiel) — 3919
16. Kanius (BSDP, Brest) — 3896
17. Łazarenkaŭ (BSDP, Ivacevičy)- 3628
18. Masłoŭski (BSDP, Brest) — 3620
19. Jurkoŭ (Horki) — 3554
20. Aparyn (Spraviadlivy śviet, Minsk) — 3459

• 0
• 0
• 0
• 0
• 0
• 0
• 0
• 0