Pasolstva Biełarusi ŭ Litvie adreahavała na zaŭvahu pra surjozny tvar vice-premjera Pietryšenki
Pres-sakratar biełaruskaha pasolstva ŭ Litvie Pavieł Śluńkin adreahavaŭ na kamientar hałoŭnaj redaktarki BiełaPAN Iryny Leŭšynaj, jakaja raskrytykavała aficyjnuju biełaruskuju delehacyju na pachavańni Kalinoŭskaha ŭ Vilni słovami «rabiaty, ŭsio dobra, vy nie na vajnie, zrabicie što-niebudź z vašymi tvarami» i paraŭnała jaje z delehacyjami Litvy i Polščy.
Čytajcie taksama: «Pietryšenka, vy nie na vajnie. Zrabicie niešta z tvaram»
«Moc imhnieńnia, jakuju tak i nie zmahła adčuć Iryna Leŭšyna i cytujučaja jaje «Naša Niva»», — piša spadar Śluńkin i pakazvaje inšuju fatahrafiju z udziełam biełaruskaj delehacyi, ź inšaha rakursu.
«Dla niekatorych prynižeńnie inšych i pošuk niehatyvu — heta prafiesija i navat ład žyćcia. Ale ž heta zusim nie nahoda, kab nam usim nie ŭśmichacca. Tym bolš kali jość takaja sapraŭdy histaryčnaja i natchnialnaja nahoda!
Admysłova šukać i vykładać fotazdymki, dzie niaŭdała atrymalisia našyja siabry i kalehi, nie budu. Bo nas heta ščaśliviejšymi nie zrobić, ich moža pakryŭdzić, a niekatoryja złaśliŭcy abaviazkova padumajuć, što ŭsie ludzi takija ž, jak jany.
Dziakuj Bohu, heta nie tak!
I ščyry sardečny dziakuj Litvie, Biełarusi i Polščy za pieražytyja jaskravyja imhnieńni!» — piša supracoŭnik biełaruskaha pasolstva ŭ Litvie.
Kamientary