«Mnie padabajecca tut. Vielmi haścinny, adkryty narod. Ale jość prablema ładu žyćcia», - kaža hałoŭny trenier zbornaj Biełarusi pa futbole.
U biełaruskim futbole isnuje prablema ładu žyćcia, zajaviŭ hałoŭny trenier nacyjanalnaj zbornaj Biernd Štanhie na sustrečy sa studentami Biełaruskaha dziaržaŭnaha univiersiteta 27 lutaha.
«Mnie padabajecca tut. Vielmi haścinny, adkryty narod. Šmat chutkich futbalistaŭ. Jany starajucca, ale jość prablema ładu žyćcia. Tut pjuć šmat ałkaholu. Nie ŭsie mohuć skazać, što volnyja ad jaho», — zaznačyŭ B.Štanhie.
Pavodle słoŭ treniera, niadaŭna jon «razam z adnoj kamandaj» viartaŭsia z Turcyi.«U «djuci-fry» hulcy nabrali ałkaholu. Ja pytajusia: heta ty sabie? Adkaz: dla taty, dla maci. Nielha sumiaščać ałkahol i prafiesijny sport», — padkreśliŭ B.Štanhie.
Trenier zaznačyŭ, što jaho jak inšaziemca ŭ biełaruskim futbole razdražniajuć šmat jakija rečy, u pryvatnaści, poźni pakaz matčaŭ i futbolnych ahladaŭ, «kali dzieci, jakim treba ŭ škołu, užo śpiać».
Na dumku B.Štanhie, patrebna bolš cikavych materyjałaŭ u ŚMI pra futboł, rekłamy, a taksama madernizacyja i budaŭnictva novych stadyjonaŭ, pavyšeńnie ŭzroŭniu miascovych śpiecyjalistaŭ.
«Vyšejšuju kvalifikacyju FIFA tut majuć šeść trenieraŭ, ź ich dva inšaziemcy.U Hiermanii takich dźvie tysiačy, jakija pracujuć na ŭsich uzroŭniach», — zajaviŭ niamiecki śpiecyjalist.
-
«Mnie kazali: ty havoryš jak kanadski emihrant». Siarhiej Šupa raskazaŭ pra Vilniu 90-ch, paraŭnańnie litoŭskaj litaratury ź biełaruskaj i adroźnieńni pamiž narodami
-
Łukašenka pavodzić siabie ŭ «makdonaldsie» jak u savieckaj stałoŭcy. I dumaje, što heta kruta
-
Pucin užo pavinšavaŭ Madžtabu Chamieniei, a Łukašenka nie. Čaho čakaje?
Kamientary