Prezident Litvy daŭ paradu Zialenskamu pierad sustrečaj jaho z Pucinym
Prezident Litvy Hitanas Naŭsieda ŭ Vilni sustreŭsia z prezidentam Ukrainy Uładzimiram Zialenskim i pažadaŭ jamu nie iści na sastupki ŭ chodzie budučych pieramoŭ ab miry na ŭschodzie Ukrainy, piša Delfi.lt
Lidary Ukrainy, Rasii, Hiermanii i Francyi 9 śniežnia pavinny sustrecca ŭ Paryžy dla novaha raŭndu pieramovaŭ ab pieramirji na Danbasie. «My pažadali pośpiechaŭ u pieramovach z davoli mocnym partnioram pa pieramovach, nie iści na takija sastupki, jakija byli b nieabhruntavanymi», — skazaŭ litoŭski lidar na sumiesnaj pres-kanfierencyi ź Zialenskim. Jon skazaŭ, što čakajucca sastupki i z boku Rasii, bo «tolki heta moža być nazvana pieramovami».
H. Naŭsieda vykazaŭ nadzieju, što vyniki budučych pieramovaŭ źniziać napružanaść u rehijonie, adnoviać terytaryjalnuju cełasnaść Ukrainy i «dazvolać Ukrainie i Rasii supracoŭničać na roŭnych».
U. Zialenski skazaŭ, što nie čakaje ad sustrečy ŭ Paryžy vialikich pieramoh abo spynieńnia vajny «zaŭtra». «Ja chaču jasnaha razumieńnia, jak prezident Ukrainy, krainy, jakaja vajuje, kali my možam i jak my možam na samaj spravie spynić hetuju vajnu», — skazaŭ prezident Ukrainy.
U. Zialenski pakul nie paćvierdziŭ paviedamleńniaŭ ŚMI pra toje, što ŭ Paryžy pavinna adbycca jaho sustreča z rasijskim prezidentam Uładzimiram Pucinym, i skazaŭ, što ŭ vypadku nieabchodnaści sustreniecca i ź im, i ź lidarami Hiermanii ci Francyi.
Ciapier čytajuć
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza14
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary