Raspłačvacca bankaŭskimi kartkami ŭ minskim mietro stali ŭ 4 razy čaściej
Kala 7,5% pajezdak u mietro apłačvajecca bieskantaktavymi bankaŭskimi kartami i mabilnymi pryładami, jakija padtrymlivajuć bankaŭskija apłatnyja sistemy. Pra heta «Minsk-Navinam» paviedamiŭ načalnik słužby ruchu «Minski mietrapaliten» Ihar Dadałka.
— Tolki ŭ kastryčniku bieskantaktavym sposabam apłaty prajezdu skarystalisia amal 2 młn čałaviek, — adznačyŭ śpiecyjalist. - Hetaja ličba raście pastajanna z tych časoŭ, jak u pasažyraŭ źjaviłasia takaja mahčymaść. U minułym hodzie hety pakazčyk składaŭ usiaho 1,7%. U toj ža čas krychu skaračajecca kolkaść apłat tradycyjnymi sposabami — prajaznymi i žetonami. Kartami BSK stała karystacca na 2,5% mienš pasažyraŭ, žetonami - prykładna na 5%.
I ŭsio ž hetyja vidy apłaty pakul zajmajuć asnoŭnyja pazicyi. Da prykładu, viadomyja svajoj stabilnaściu žetony pa-raniejšamu kuplajuć kala 35% pasažyraŭ. Adnak, na dumku I. Dadałki, u bieskantaktavaha sposabu apłaty vialikaja budučynia: ludzi chutka adčuli zručnaść takoha servisu, u pieršuju čarhu tamu, što nie treba stajać u čerhach u kasy i rabić niejkich dadatkovych manipulacyj nakštałt papaŭnieńnia elektronnych prajaznych.
Kamientary