FBR udałosia raskryć spravu ab vykradańni dziciaci z radzilni ŭ Čykaha, jakoje adbyłosia 55 hadoŭ tamu, piša RBK.
Pa dadzienych telekanała, miascovaja žycharka Dora Frončak naradziła chłopčyka Poła 25 krasavika 1964 hoda. Na nastupny dzień u jaje pałatu zajšła žančyna, apranutaja jak miedsiastra, skazaŭšy, što adniasie niemaŭla na ahlad da ŭrača, paśla čaho biasśledna źnikła ź dziciem.
FBR razam ź miascovaj palicyjaj arhanizavali pošuki. Praz dva hady pravaachoŭniki znajšli dzicia. Pakolki tady jašče nie isnavała technałohii analizu DNK, jaho svajactva z Frončak vyznačyli pa formie vušej. Sama žančyna taksama pryznała ŭ im svajho syna.
U 2014 hodzie Poł Frončak zrabiŭ test DNK. Toj pakazaŭ, što mužčyna nie źjaŭlajecca synam baćkoŭ, jakija jaho vyhadavali. Sapraŭdnaha Poła ŭdałosia znajści praź niekalki miesiacaŭ pry dapamozie śpiecyjalista pa hienietyčnaj hienieałohii Čečy Mur.
Pa dadzienych WGN-TV, sapraŭdny Poł Frončak žyvie ŭ Mičyhanie i zmahajecca z ankałahičnym zachvorvańniem. Na hety momant nieviadoma, ci sustreniecca jon sa svajoj bijałahičnaj maci, jakaja žyvie ŭ Čykaha.
Kamientary