Viertalot, na borcie jakoha znachodzilisia dzieviać čałaviek, u tym liku baskietbalist Kobi Brajant, kružyŭ čverć hadziny pierad padzieńniem. Padrabiaznaści avijakatastrofy stali viadomyja vydańniu The Mirror.
Viertalot vylecieŭ z akruhi Oryndž u Kalifornii i nakiroŭvaŭsia ŭ horad Taŭzand-Oks. Pavodle źviestak radara, viertalot zrabiŭ dziesiać kołaŭ nad horadam Hlendejł za 15 chvilin, paśla čaho ŭrezaŭsia ŭ schił hary ŭ Kałabasasie, prykładna za 30 kiłamietraŭ ad centra Łos-Andželesa.
Pavodle vydańnia, pasažyry viertalota nakiroŭvalisia na treniroŭku pa baskietbole. Spartsmien rehularna karystaŭsia hetym vidam transpartu dla taho, kab dabracca da stadyjona «Lejkiers».
Achviarami katastrofy taksama stali jašče vosiem čałaviek, u tym liku i 13-hadovaja dačka baskietbalista Džyna Maryja-Anore. Adnoj z mahčymych pryčyn krušeńnia nazyvajuć drennuju bačnaść — u rajonie Kalifornii byŭ mocny tuman.
Ciaham usioj karjery Brajant vystupaŭ za kłub «Łos-Andželes Lejkiers», razam z kamandaj vyjhraŭ piać čempijonskich tytułaŭ Nacyjanalnaj baskietbolnaj asacyjacyi. Baskietbalist zaviaršyŭ spartyŭnuju karjeru ŭ 2016 hodzie, paśla čaho napisaŭ niekalki knih, u jakich raspavioŭ pra ciažkaści karjery, a taksama zbornik dziciačych apaviadańniaŭ.
Ciapier čytajuć
Vybityja dźviery, maski-šou, zatrymańnie top-mieniedžaraŭ. Pačaŭsia pahrom «Jeŭraopta»13
Kamientary