Bułački pa-ŭschodniamu: bao, pryhatavanyja ŭ paravarcy
Usie my dobra viedajem kancepcyju buterbroda: biarom chleb i štości na jaho kładziom. I cikava, što heta spałučeńnie amal va ŭsich krainach śvietu dobra viadomaje i znajomaje ludziam. I kali z burhierami i sendvičami nam užo ŭsio zrazumieła, bo znajści ich možna na kožnym kroku, to samy čas pahladzieć na Uschod. I my pabačym tam bułački bao — tak, taksama chleb, ale sposab jaho pryhatavańnia mianie vielmi zacikaviŭ.
Nie schłušu, kali skažu, što nabyła paravarku, mienavita kab pasprabavać zrabić hetyja bułački. I jano było taho varta: smak i struktura bao nievierahodnyja. Da taho ž, bułački bao — heta baza, da jakoj možna dadavać svaje ŭlubionyja smaki. Biarom asnoŭnuju načynku (kuryca, krevietki, syr i h.d.), dadajom sous i harodninu — i idealnaja zakuska hatovaja. U mianie hetym razam była śvinina, kisła-sałodki sous, ahurki i morkva. Tak što ŭklučajem fantaziju — i napierad!
Na 8 bułačak:
- 120 mł ciopłaj vady
- 1 st.ł. cukru
- 14 hr. śviežych draždžej
- 220 hr. muki
- ¼ č.ł. soli
- ¼ č.ł. razrychlalniku
- 1 st.ł. aleju + dla šmaravańnia.
U ciopłuju vadu dadajom cukar i droždžy, raźmiešvajem. Čakajem pieršych burbałak.
Tym časam źmiešvajem muku z sollu i razrychlalnikam, pastupova ŭlivajem vadu z draždžami, dadajom łyžku aleju. Zamiešvajem ciesta — jano pavinna być hładkim i nialipkim.
Pakidajem ciesta na 1,5 hadziny ŭ ciopłym miescy, kab jano vyrasła amal u dva razy.
Ciesta abminajem i raskačvajem na pavierchni, jakuju trochi prysypajem mukoj. Šklankaj vyrazajem kružki. Ich moža być ad 6 da 10 u zaležnaści ad dyjamietru vašaj šklanki. Kožny kružok zmazvajem alejem i składvajem napałovu. Bułački nakryvajem ručnikom i pakidajem jašče na 10—15 chvilin — jany pavinny trošački padniacca.
U hety čas rychtujem paravarku. Kładziom bułački na pavierchniu paravarki, hatujem 10—12 chvilin.
Bułački bao hatovyja! Dadavajcie načynku i smakujcie.
Ciapier čytajuć
36-hadovy palitviazień zahinuŭ u Mahiloŭskaj kałonii4
36-hadovy palitviazień zahinuŭ u Mahiloŭskaj kałonii
Były vykładčyk Iniaza pierajšoŭ na biełaruskuju ŭ emihracyi. Jon razvažaje pra los univiersiteta, biełarusaŭ za miažoj i adroźnieńnie nas ad palakaŭ77
Kamientary