Karanik: Biełaruś trymaje situacyju z karanavirusam pad kantrolem. Dadatkovyja zachady, mahčyma, buduć pryniaty
Biełaruś u poŭnym abjomie vykonvaje rekamiendacyi Suśvietnaj arhanizacyi achovy zdaroŭja datyčna procidziejańnia raspaŭsiudžvańniu karanavirusa. Situacyja z hetym zachvorvańniem u krainie zastajecca kantralavanaj. Pra heta zajaviŭ u hutarcy z BIEŁTA ministr achovy zdaroŭja Uładzimir Karanik.
Adkazvajučy na pytańnie, ci vykanała Biełaruś rekamiendacyi, jakija atrymlivała ad SAAZ, ministr skazaŭ: «Bolš čym chto inšy».
Pavodle jaho słoŭ, SAAZ padrychtavała aficyjnuju zajavu z hetaj nahody. «SAAZ piša, što całkam padtrymlivaje našy namahańni i ličyć ich najbolš efiektyŭnymi, što zakryćcio miežaŭ nie źjaŭlajecca efiektyŭnaj mieraj», — adznačyŭ Uładzimir Karanik.
Ofis SAAZ u Minsku: Zachady, što robiacca Biełaruśsiu nakont karanavirusa, adpaviadajuć rekamiendacyjam
Jon padkreśliŭ, što situacyja z karanavirusam u Biełarusi na dadzieny momant zastajecca kantralavanaj, nijakaha ŭsplosku zachvorvańnia niama. «Za minułyja sutki nivodnaha novaha vypadku nie było zafiksavana, i častka pacyjentaŭ dadatkova rychtujecca da vypiski, bo ŭ ich atrymany pieršyja admoŭnyja testy», — udakładniŭ kiraŭnik Ministerstva achovy zdaroŭja.
Što tyčycca dadatkovych mier, to ciapier hetaja tema abmiarkoŭvajecca, u chutkim časie jany buduć pryniatyja. «Heta buduć miery, nakiravanyja na niedapuščeńnie zavozu.
My razumiejem, što ŭ našych susiedziaŭ situacyja nie vielmi dobraja, tamu my dadatkova minimizujem ryzyki zavozu da nas», — rastłumačyŭ Uładzimir Karanik.
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»32
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary