U Pinsku maleńkaje dzicia hulałasia z zapałkami i ŭčyniła pažar u kvatery
Paviedamleńnie pra pažar u trochpakajovaj kvatery pastupiła ratavalnikam 1 krasavika ŭ 8.21, paviedamlaje Bresckaje abłasnoje ŭpraŭleńnie MNS.
U trochpakajovaj kvatery pražyvaje piać čałaviek: haspadynia, jaje dačka ź ziaciem i ich dzieci 2015 i 2016 hadoŭ naradžeńnia. U 7.40 babula razam sa starejšym unukam vyjšła z chaty, kab advieści jaho ŭ dziciačy sad i adpravicca na pracu. U kvatery zastalisia baćki, jakija jašče spali, i ich małodšaje dzicia, jakoje hladzieła televizar u pakoi.
Chłopčyk pajšoŭ na kuchniu i viarnuŭsia ŭ pakoj razam z zapałkami. Jon pačaŭ ź imi hulacca, padpalvać i kidać na padłohu i kanapu. Kali zaharełasia koŭdra na kanapie, dzicia zapanikavała i pabiehła ŭ pakoj da baćkoŭ, ale nie razbudziła ich, a lehła na łožak i zrabiła vyhlad, što śpić. Mama adčuła pach i pračnułasia, paśla čaho razbudziła muža i razam z synam pakinuła padpalenuju kvateru. Susiedka vyklikała pažarnikaŭ, jakija apieratyŭna prybyli i za siem chvilin patušyli padpalenuju kanapu, naciažnuju stol i inšuju meblu. Miedycynskaja dapamoha žycharam kvatery nie spatrebiłasia.
«Anlifanščyca ź Pinska» kaža, što jana nie anlifanščyca i nie ŭ rabstvie ŭ Mjanmie1
Kamientary