Usie miedycynskija rabotniki ŭ Maskvie projduć ekspres-test, jaki dazvalaje vyjavić najaŭnaść antyciełaŭ da karanavirusa, raspaviała žurnalistam vice-mer stalicy Anastasija Rakava, piša RBK.
Jana ŭdakładniła, što testavańnie projduć nie tolki tyja, chto pracuje ŭ pieraprafilavanych dla pryjomu zaražanych balnicach, stacyjanarach, ale i daktary inšych balnic i paliklinik.
«My budziem vykarystoŭvać dva vidy ekspres-testaŭ, jakija prajšli vyprabavańni ŭ haradskich balnicach i pakazali dobry vynik», — skazała Rakava.
Vice-mer patłumačyła, što ŭ jakaści materyjału dla testu voźmuć nievialikuju kolkaść kryvi z palca. «Ekspres-testy nie vyjaŭlajuć najaŭnaść u kryvi virusa — jany vyjaŭlajuć imunahłabulin, jaki dazvalaje nie tolki skazać, ci chvareje čałaviek, ale i vyznačyć, ci chvareŭ jon raniej, ci vypracavany ŭ jaho antycieły da infiekcyi», — dadała Rakava.
Kamientary