«Je-dastaŭka» viarnuła zamovy «dzień u dzień» i źniziła minimalnuju sumu dla piensijanieraŭ

«Je-dastaŭka» pašyryła štat i pavialičyła mahčymuju kolkaść dastavak. Na sajcie znoŭ źjaviłasia mahčymaść zamovy «Siońnia na siońnia», dadałasia i opcyja zamovy na 2 dni napierad. Volny čas dastaŭki ŭźnikaje na praciahu dnia.

«Vialikija vychodnyja my prapanujem biełarusam pravieści doma. My pašyryli štat i rezka pavialičyli kolkaść intervałaŭ dla dastaŭki, tamu ŭžo ŭ vialikija vychodnyja budzie značna praściej zrabić zakaz u zručny dla siabie čas. Svaim baćkam možna aformić bieskantaktnuju dastaŭku i tym samym zaścierahčy ad lišnich kantaktaŭ. Lepš pakul zastacca doma i pryhatavać lubimyja stravy doma, kab pabierahčy siabie, svaju siamju i miedykaŭ, jakija zmahajucca z pandemijaj», — raić dyrektar «Je-dastaŭki» Juryj Buturla.

Źjaviłasia i novaja lhota: minimalnaja suma zamovy dla invalidaŭ ŭsich troch hrup i piensijanieraŭ ad 75 hadoŭ źnižana da 25 rubloŭ. Ludziam z abmiežavanymi mahčymaściami taksama dastupnaja dadatkovaja źnižka ŭ 5% na ŭsie tavary. Tym samym u «Je-dastaŭcy» chočuć padtrymać ludziej z zony ryzyki, kab tyja bierahli zdaroŭje i zastavalisia doma.

«Dastaŭka na 25 rubloŭ hłyboka stratnaja i nie pakryvaje navat zarobkaŭ rabotnikaŭ. Ale važna ciapier dapamahčy pažyłym ludziam i invalidam, kab jany nie ryzykavali svaim zdaroŭjem i vychodzili na vulicu tolki dziela špacyru na śviežym pavietry», — adznačaje Juryj Buturla.

Kab aformić zamovu z vykarystańniem lhoty, treba paśla aŭtaryzacyi pierajści ŭ raździeł «Pakinuć vodhuk ci pretenziju» i abrać u jakaści temy «Zadać pytańnie». U akiency «Paviedamleńnie» možna pakinuć zajaŭku na atrymańnie lhoty i prymacavać fota pašparta i piensijnaha paśviedčańnia, albo paśviedčańnia invalidnaści (z dvuch bakoŭ). Dzieci mohuć zrabić heta za baćkoŭ.

Popyt na dastaŭku praduktaŭ u Biełarusi vyras u krasaviku na čverć. Zaraz biełarusam razvoziać bolš za 130 ton praduktaŭ štodnia — na 30 ton bolš, čym raniej. U praces ŭciahnuty bolš za 2300 čałaviek. U sakaviku «Je-dastaŭka» ŭziała da siabie 200 čałaviek, a ŭ krasaviku, jak čakajecca, pryraście jašče na 500 čałaviek. Siarod ich — rabotniki śfiery hramadskaha charčavańnia, paciarpiełyja ad karanakryzisu.

U Minsku dastaŭkaj karystajecca kožnaja treciaja siamja. Kab zabiaśpiečyć bolš minskich siemjaŭ praduktami, byŭ zapuščany internet-dyskaŭntar «CHITdastaŭka». Jaho asartymient składajecca z najbolš zapatrabavanych tavaraŭ «Je-dastaŭki», jakich ciapier bolš za 1300 najmieńniaŭ. Minimalnaja suma zamovy — 35 rubloŭ. Z 25 krasavika, akramia anłajn-apłaty na sajcie, servis daść mahčymaść raźličycca za pradukty najaŭnymi abo kartkaj z kurjeram.

• 0
• 0
• 0
• 0
• 0
• 0
• 0
• 0