U Maskvie raźličvajuć, što roznyja mietodyki, jakija prymianiajucca ŭ Rasii i Biełarusi pa baraćbie z karanavirusam, nie pryviaduć da vybuchovaha rostu zachvorvańnia, paviedamiŭ žurnalistam u sieradu pres-sakratar prezidenta Rasii Dźmitryj Piaskoŭ, piša «Interfaks».
«Vy bačycie, što my [Rasija i Biełaruś] sapraŭdy prytrymlivajemsia roznaj taktyki ŭ baraćbie z karanavirusam, u nas roznyja padychody. Viadoma ž, my zaniepakojenyja hetaj situacyjaj u cełym», — skazaŭ Piaskoŭ.
«My spadziajomsia, što roznyja technałohii, jakija prymianiajucca, roznaja mietodyka, na jakuju aryjentujucca Rasija i Biełaruś, u kančatkovym vyniku nie pryviaduć da niejkaha vybuchovaha rostu kolkaści infikavanych», — padkreśliŭ pres-sakratar prezidenta.
Na ŭdakładniajučaje pytańnie, ci jość bojaź u Kramla ŭ suviazi z tym, što Maskva i Minsk iduć roznymi kursami ŭ baraćbie ź infiekcyjaj, Piaskoŭ skazaŭ: «Isnuje aściaroha situacyi ŭ cełym. Nielha prachodzić hetuju situacyju biez bojazi. Aściarohi absalutna ŭzajemnyja. Hetaja situacyja nieliniejnaja, ekstraardynarnaja, dahetul niabačanaja».
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza19
Kamientary