VPS ZŠA paśpiachova zapuścili rakietu-nośbit Atlas V z kasmapłanam X-37B, pryznačanym dla sakretnaj misii, piša bbc.com.
Rakieta startavała z bazy VPS ZŠA na mysie Kanavierał.
Kasmapłan vyviedzie na arbitu spadarožnik i vyprabuje ŭ kosmasie technałohiju pieraŭtvareńnia soniečnaj enierhii.
Heta ŭžo šostaja misija bieśpiłotnaha arbitalnaha samalota.
X-37B — sakretnaja amierykanskaja prahrama vyprabavańniaŭ, pra jaje viadoma vielmi mała.
«U hetaj misii X-37B budzie praviedziena bolš ekśpierymientaŭ, čym u lubych inšych papiarednich misijach», — paviedamiła ŭ pačatku maja ministr vajskova-pavietranych sił ZŠA Barbara Baret.
Padčas adnaho z ekśpierymientaŭ budzie vyprabavany ŭpłyŭ radyjacyi na nasieńnie i inšyja materyjały.
Prahrama X-37B startavała ŭ 1999 hodzie. Samalot nahadvaje pamienšanuju viersiju piłatavanych kaśmičnych karabloŭ, jakija byli vyviedzienyja z ekspłuatacyi kaśmičnaj prahramaj ZŠA ŭ 2011 hodzie. Jon moža, płanujučy, źnižacca ź vierchnich słajoŭ atmaśfiery i pryziamlacca na ŭźlotna-pasadačnuju pałasu, jak šatł.
Arbitalny bieśpiłotny samalot, pabudavany kampanijaj Boeing, vykarystoŭvaje soniečnyja batarei dla siłkavańnia na arbicie, jaho daŭžynia składaje bolš za 9 m, razmach kryłaŭ amal 4,5 m, a važyć jon amal 5 ton.
Pieršaja misija adbyłasia ŭ krasaviku 2010 hoda i praciahvałasia vosiem miesiacaŭ. Apošniaja zaviaršyłasia ŭ kastryčniku 2019 hoda, paśla 780 dzion na arbicie, u vyniku čaho ahulny čas znachodžańnia samalota ŭ kosmasie pieravysiŭ siem hadoŭ.
-
Kaniec epochi całkam biaspłatnaha ŠI? U ChatGPT źjaŭlajecca rekłama, i voś jak jana budzie vyhladać
-
«Leha» abviaščaje revalucyju: prezientavanaja sistema, jakaja ažyŭlaje kubiki biez smartfonaŭ. Voś jak jana pracuje i kolki kaštuje
-
Mask płanuje stvaryć na kalaziamnoj arbicie sapraŭdnaje suzorje centraŭ apracoŭki danych. Rasija zaniepakojenaja
Ciapier čytajuć
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza25
Kamientary