Pryniaty ŭkaz ab padtrymcy asobnych katehoryj hramadzian: vyličeńnie stažu, piensii i biaspłatnaje EKA

Alaksandr Łukašenka padpisaŭ ukaz «Ab sacyjalnaj padtrymcy asobnych katehoryj hramadzian», piša BiełTA.

Ukazam praduhledžana z 1 studzienia 2021 hoda žančynam, jakija naradzili čaćviarych dziaciej, zaličvać u pracoŭny staž dla naznačeńnia piensii čas znachodžańnia ŭ adpačynku pa dohladzie dziciaci praciahłaściu da 12 hadoŭ (ciapier — 9 hadoŭ). Naznačać im pracoŭnyja piensii pry najaŭnaści stažu raboty nie mienš jak 20 hadoŭ i strachavoha stažu nie mienš jak 10 hadoŭ (ciapier — 17 hadoŭ 6 miesiacaŭ).

Z hetaj ža daty invalidam I i II hrupy, jakija majuć invalidnaść bolš jak 10 hadoŭ, buduć źnižany patrabavańni da strachavoha stažu dla naznačeńnia piensii pa ŭzroście (praparcyjanalna času znachodžańnia na invalidnaści).

Invalidam ź dziacinstva na 5 hadoŭ źniziać patrabavańni da praciahłaści pracoŭnaha stažu dla atrymańnia prava na daterminovuju piensiju pa ŭzroście (dla žančyn — z 20 da 15 hadoŭ, dla mužčyn — z 25 da 20 hadoŭ).

Akramia taho, baćkam dziaciej-invalidaŭ ź ciažkaj stupieńniu straty zdaroŭja, jakija doŭhi čas ažyćciaŭlali ich dohlad (nie mienš jak 20 hadoŭ), budzie pavyšany pamier sacyjalnaj piensii da ŭzroŭniu, supastaŭnaha ź minimalnaj piensijaj pa ŭzroście (da 243,39 rubla pry ciapierašnim pamiery 123,39 rubla).

Praduhledžana taksama, što rabotnikam ź niapoŭnym strachavym stažam (zvyš 10 hadoŭ, ale mienšym za patrabujemy), buduć uzamien sacyjalnaj piensii naznačać pracoŭnuju piensiju pa ŭzroście pry niapoŭnym strachavym stažy. Pry hetym žančynam takaja piensija budzie naznačacca pry dasiahnieńni 60 hadoŭ, a mužčynam — 65 hadoŭ, jak heta praduhledžana dla sacyjalnaj piensii.

Jašče adno novaŭviadzieńnie, jakoje taksama pačnie dziejničać z novaha hoda, — siamiejnym param, u jakich uzrost žančyny nie pieravyšaje 40 hadoŭ, pry najaŭnaści miedycynskich pakazańniaŭ budzie biaspłatna pradastaŭlacca adna sproba ekstrakarparalnaha apładnieńnia.

Akramia taho, z 1 vieraśnia 2020 hoda ŭkazam praduhledžana šmatdzietnym siemjam pavialičyć pieryjad pradastaŭleńnia dziaržaŭnaj adrasnaj sacyjalnaj dapamohi ŭ vyhladzie štomiesiačnaj sacyjalnaj dapamohi da 12 miesiacaŭ (ciapier — da 6 miesiacaŭ), a taksama kryteryj patrebnaści sa 100 pracentaŭ da 115 pracentaŭ BPM u siarednim na dušu nasielnictva dla naznačeńnia takoj dapamohi (da 283,80 rubla pry ciapierašnim pamiery 246,78 rubla).

• 0
• 0
• 0
• 0
• 0
• 0
• 0
• 0