Jak paviedamili BiełaPAN u adździele prapahandy i prafiłaktyki UDAI UUS Homielskaha abłvykankama,
trahiedyja adbyłasia ŭ 7.10 ranicy — ad prypynku ŭ rajcentry adpraviłasia maršrutnaje taksi "Dobruš—Homiel",
u jakim znachodzilisia siem pasažyraŭ i vadziciel. Na vačach u mužčyny, jaki pravodziŭ svaju dačku, aŭtamabil vyjechaŭ na sustrečnuju pałasu, źnios aharodžu na moście i ŭpaŭ u raku.
Mužčyna kinuŭsia ŭ vadu ratavać dačku, ale pry padzieńni złamaŭ nahu. Dziaŭčynku vyratavaŭ rybak. Na miesca zdareńnia vyjechali supracoŭniki DAI i MNS, piaciora čałaviek byli vyratavany, jany atrymali traŭmy i ŭdary.
Try čałavieki — vadziciel, mužčyna i padletak, vučań 11 kłasa miascovaj škoły — patanuli.
Pryčyny zdareńnia vyśviatlajucca. Papiarednie pry apytańni było ŭstanoŭlena, što padčas ruchu vadziciel straciŭ pilnaść.
«Anlifanščyca ź Pinska» kaža, što jana nie anlifanščyca i nie ŭ rabstvie ŭ Mjanmie6
Kamientary