Bank Dabrabyt pradastaviŭ pažyłym ludziam mahčymaść biaspłatna zdymać najaŭnyja hrošy ŭ bankamatach lubych inšych bankaŭ. Zroblena heta z kłopatam pra piensijanieraŭ, kab tyja mahli vykarystoŭvać najbližejšyja da doma terminały luboha banka.
Kamisii nie spahaniajucca pa piensijnych kartach. Pažyłyja ludzi mohuć atrymać najaŭnyja biez kamisii ŭ lubym bankamacie krainy. Suma i kolkaść apieracyj nie abmiežavana.
U Banku Dabrabyt nazyvajuć heta adnoj ź mier pa padtrymcy pažyłych ludziej. Šmat chto addaje pieravahu zdymańniu najaŭnych, tamu ŭ banku vyrašyli vyzvalić ich ad ciažaru pošuku patrebnaha bankamata.
U pačatku krasavika Bank Dabrabyt uvajšoŭ u lik bankaŭ, jakija absłuhoŭvajuć piensijanieraŭ. Piensijnyja kartki biaspłatna dastaŭlajuć na dom. Afarmleńnie i absłuhoŭvańnie adbyvajecca biaspłatna, niama kamisii i za SMS-apaviaščeńnie. Pry hetym pa kartkach Banka Dabrabyt dziejničajuć źnižki ŭ kramach-partniorach, na reštu na rachunku naličvajecca dadatkovy dachod 3%, a za kožny płaciež trymalnik atrymlivaje nazad na kartku 2% manibek.
Nahadajem, dla atrymańnia piensii treba naviedać adździaleńnie banka z pašpartam i paśviedčańniem piensijaniera. Usiu infarmacyju va ŭpraŭleńnie pa pracy pieradajuć śpiecyjalisty. Piensijnyja kartki dastupnyja nie tolki piensijanieram. Ich taksama možna vykarystoŭvać dla atrymańnia vypłat sacyjalnaha charaktaru praz FSAN: dapamoha na dzicia, piensija pa invalidnaści, pa stracie karmiciela i h. d.
Kamientary