Łukašenka: U pryvatnych firmach zvalniajuć ludziej, jakija nie padpisalisia za alternatyŭnych kandydataŭ
Ab hetym jon zajaviŭ siońnia na naradzie pa aktualnych hramadska-palityčnych pytańniach, pieradaje BIEŁTA.
«Apošnim časam, upeŭnieny, i vam hetak ža, jak i mnie, pastupajuć skarhi ad ludziej pa chodzie tak zvanaj hetaj vybarčaj kampanii. Što mianie aburaje asabliva — u Minsku, inšych haradach (heta charakterna dla haradoŭ) pryvatnyja kampanii zvalniajuć ludziej. Prytym, bajusia skazać masava, ale dosyć šmat. Ja nakont hetaha adpaviednuju zajavu ŭžo rabiŭ.
Mała taho, zvalniajuć ludziej — tych, chto nie addaŭ podpis za alternatyŭnych tak zvanych kandydataŭ: ty tam za Piatrova, Sidarava nie raśpisaŭsia — sychodź», — adznačyŭ jon.
Alaksandr Łukašenka paprasiŭ kiraŭnika Administracyi prezidenta Ihara Sierhiejenku, staršyniu savieta respubliki Natallu Kačanavu i kiraŭnika spraŭ prezidenta Viktara Šejmana padklučycca da hetaha pytańnia i vypracavać sistemu pravierak pryvatnych kampanij.
«Na dziaržpradpryjemstvach takoha niama, — zaŭvažyŭ kiraŭnik dziaržavy. — I pahladzieć, za što zvolnili ludziej za apošnija try miesiacy. Publična chaču skazać: kali jany chočuć u Biełarusi prystojna pracavać i davać karyść krainie, nie kryŭdziačy ludziej, jany pavinny adnavić hetych ludziej abo apłacić im za try, dva ci adzin miesiac — za toje, što vykinuli biespadstaŭna».
Pamiatajecie palitviaźnia Vituchnoŭskaha, jaki pajšoŭ vajavać za Rasiju? Jon užo zahinuŭ9
Pamiatajecie palitviaźnia Vituchnoŭskaha, jaki pajšoŭ vajavać za Rasiju? Jon užo zahinuŭ
«Siomaja DNK-ekśpiertyza paćvierdziła: Alaksiej ź biełaruskaj vioski Rymucieŭcy — baćka Chansa». Jak narviežac znajšoŭ baćku-biełarusa praz 78 hadoŭ77
Kamientary