Hihin uspomniŭ, jak jaho ckavali za ŭdzieł u vybarčaj kamisii: Pisali susiedziam, što ŭ padjeździe žyvie niahodnik
Na jutub-kanale «Biełaj Rusi» vyjšła čarhovaje intervju — na hety raz z Vadzimam Hihinym. U razmovie ź viadučym — palitołaham Alaksandram Špakoŭskim — jon skardzicca, što aktyvisty, jakija źbirajuć podpisy za Łukašenku, sutykajucca z bulinham u internecie. Ckujuć i čynoŭnikaŭ.
«Byccam ty musiš być taŭstaskurym, ale ciabie heta ŭsio roŭna kranaje. Asabliva, kali čałaviek upieršyniu z hetym sutykajecca. Mnie adna namieśnica ministra kaliści raskazvała: «Voj, jaki žach, ja ž zaviała sabie staronku ŭ «Adnakłaśnikach», i mnie tam stali pisać. Ja pazakryvała heta ŭsio». Bo čałaviek vymušany zakryvać», — narakaje Hihin.
Jon uspaminaje, što kali padčas prezidenckich vybaraŭ 2001 hoda byŭ u składzie Pieršamajskaj rajonnaj vybarčaj kamisii, to pahrozy pastupali i ŭ jaho bok.
«Tady była kampanija, typu hramadskaja, kimści spansavanaja, jakaja zajmałasia byccam nazirańniem, a nasamreč — ciskam na čalcoŭ vybarčaj kamisii.
Ja pamiataju dobra, maim susiedziam listy ŭ skryniu kinuli, što ŭ vašym padjeździe žyvie taki niahodnik, jon parušaje zakanadaŭstva, takija artykuły.
Da mianie tady susiedzi padyšli (pakazvaje žest paciskańnia ruki. — «NN»): słuchaj, a my nie viedali, što ty taki pavažany čałaviek. Navat abiarnułasia ŭ plus».
Vykazaŭsia Hihin i pra ciapierašniuju vybarčuju kampaniju i dziejańni ŭładaŭ.
«Chłopcy, tyja, chto apanienty ŭłady, vy sami ŭsie kazali, što režym žorstki, aŭtarytarny. Nu jon tak i dziejničaje. A što tut takoha? Va ŭsim śviecie viedajuć Alaksandra Łukašenku, jaho styl jak žorstkaha kiraŭnika».
Čytajcie taksama: Špakoŭski, Dziermant i Piatroŭski pajšli ŭ Jutub — ale prahlady ŭ rolikaŭ mizernyja VIDEA
«Anlifanščyca ź Pinska» kaža, što jana nie anlifanščyca i nie ŭ rabstvie ŭ Mjanmie6
Kamientary