«Uspomnić, što takoje «dźmuchaviec», kali biažyš 10 km/h — składana». U Biełarusi praktykujuć novy sposab vyvučeńnia rodnaj movy
Jahor Kipa ŭžo druhi ŭdzielnik zabaŭlalnaha šou, dzie viadoŭca vypraboŭvaje na tryvałaść jak fizičnuju padrychtoŭku ŭdzielnika, tak i jaho ŭzrovień vałodańnia biełaruskaj movaj.
Hramadskaja kampanija «Hodna» sumiesna z «Art Siadzibaj» zapuskaje «Mova Challenge». Meta prajekta — ładzić niezvyčajnyja ŭroki biełaruskaj movy dla biełaruskich sielebryci.
Pieršym vučniem staŭ udzielnik maštabnych teleprajektaŭ «X-Faktar», «Liha śmiechu», «Hołas krajini», finalist nacyjanalnaha adboru na Jeŭrabačańnie 2016 hoda — Majkł Souł. Druhim — lidar «Basoty», błohier, mieniedžar Bakieja i prosta haradski varjat — Jahor Kipa. U jakaści navučalnaha kłasa była abrana trenažornaja zała Gym24.
Ideja prajekta prostaja: padčas taho, jak udzielnik «Mova Challenge» zajmajecca na trenažory, viadoŭca kaža jamu słova pa-biełarusku, jakoje jon musić pierakłaści na ruskuju movu. I naadvarot — z ruskaj na biełaruskuju. U vypadku, kali čałaviek nie viedaje pierakładu, to chutkaść na trenažory paskarajecca.
Padčas čelendžu my daviedalisia, što na chutkaści 10 km/h pierakładać słovy składana. Jahor pryznaje, što «Mova Challenge» z trasiankaj mahčyma atrymaŭsia b bolš paśpiachovym. Ale chto, kali nie my, vyvučyć biełaruskuju movu!
Takim čynam, mierapryjemstva nosić adukacyjna-spartyŭny charaktar. Ale, pierš za ŭsio, biezumoŭna, zabaŭlalny.
Mackievič: Nie para asprečvać lidarstva Cichanoŭskaj. Jana vielmi dobraja ŭ jakaści lidarki6
Mackievič: Nie para asprečvać lidarstva Cichanoŭskaj. Jana vielmi dobraja ŭ jakaści lidarki
Jeździli šukać navat u BSSR, a nieapaznanaje cieła 30 hadoŭ lažała ŭ śpiecschoviščy. Novyja detali zahadkavaha źniknieńnia ŭ ZŠA biełaruskaha piśmieńnika Mikoły Celeša22
Kamientary