TBM zaklikała hałasavać na vybarach za kandydataŭ, jakija karystajucca biełaruskaj movaj
Na pasiadžeńni Sakrataryjata Tavarystva biełaruskaj movy 14 lipienia byŭ pryniaty zvarot da ŭdzielnikaŭ prezidenckaj kampanii.
Zvarot apublikavała ŭ svaim fejsbuku staršynia arhanizacyi Alena Anisim.
«Pavažanyja suajčyńniki!
Nabiraje moc čarhovaja prezidenckaja kampanija. My znoŭ źviartajem Vašu ŭvahu na hałoŭnuju prykmietu našaj nacyi i niezaležnaści — biełaruskuju movu. Kiraŭniki dziaržavy prychodziać i adychodziać. A pakul žyvie biełaruskaja mova — žyvie i naš narod, žyvie i naša kraina. Źniknie mova — nie stanie ni naroda, ni dziaržavy.
Tamu my zaklikajem usich vybarščykaŭ hałasavać za tych kandydataŭ, jakija karystajucca biełaruskaj movaj i chto ŭklučyć u svaje prahramy nastupnyja punkty:
1. Pryniać Zakon ab dziaržaŭnaj padtrymcy biełaruskaj movy.
2. Padtrymać dziejnaść univiersiteta imia Niła Hileviča z vykładańniem usich pradmietaŭ na biełaruskaj movie.
3. U kožnym rajonnym centry, a taksama va ŭsich rajonach abłasnych haradoŭ i h. Minska adkryvać novyja škoły i himnazii z vykładańniem usich pradmietaŭ na biełaruskaj movie.
4. Viarnuć vykładańnie historyi i hieahrafii va ŭsich škołach krainy pa-biełarusku.
5. Zabiaśpiečyć viaščańnie na dziaržaŭnaj biełaruskaj movie pieršaha biełaruskaha telekanała (BT-1).
6. Usie dziaržaŭnyja rajonnyja i abłasnyja haziety pavinny drukavacca pa-biełarusku nie mienš, čym 50% tekstaŭ u kožnym numary.
Heta budzie najlepšym sposabam śćvierdzić svoj patryjatyzm i prajavić sapraŭdny kłopat pra niezaležnaść i paśpiachovaje raźvićcio Biełarusi».
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»14
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić99
Kamientary