Zianon Paźniak u svaim fejsbuku čarhovy raz vykazaŭsia pra biełaruskija vybary. Były palityk raskrytykavaŭ Śviatłanu Cichanoŭskuju, chacia raniej sa strymanaj pachvałoj vykazvaŭsia pra jaje muža.
«Na žal, adbyłosia toje, što mahło adbycca. Režym i kantora ŭziali Cichanoŭskuju ŭ abarot. Nie chapiła ni voli, ni vopytu, ni razumieńnia. (Palityka — heta albo prafiesija, albo talent.) Joj prapanavali abjadnać vybarčuju prapahandu i dziejańni sa štabami V. Babaryki i V. Capkały, i jana pahadziłasia», — piša były lidar apazicyi.
«Ščyra kažučy, mnie až škada miłych dam (choć adna ź ich nosić vyraznyja prykmiety słužbistki), što ŭlapalisia ŭ hetaje vadevilnaje šou i ŭ niadobruju spravu», — plažyć žančyn Paźniak.
Paźniak piša, što jahonaja kamanda imknułasia spatkacca sa Śviatłanaj (jašče tydzień tamu), ale nie ŭdałosia.
Paźniak prapanavaŭ Cichanoŭskaj advieźci dziaciej za miažu (ci schavać u Biełarusi), zaklikać vybarščykaŭ nie ŭdzielničać u hałasavańni i źniacca z vybaraŭ.
Kamientary