«Vybary za paŭhoda»: Śviatłana Cichanoŭskaja apublikavała svaju prahramu
Śviatłana Cichanoŭskaja apublikavała pieradvybarnuju prahramu. Jana čarhovy raz źviartaje ŭvahu na toje, što źbirajecca stać prezidentam dla taho, kab viarnuć biełarusam prava vybaru. Hałoŭnaj metaj jana nazyvaje praviadzieńnie sumlennych vybaraŭ z udziełam usich alternatyŭnych kandydataŭ.
Voś što jana prapanuje:
— pryznačyć šeść novych niezaležnych členaŭ Centralnaj vybarčaj kamisii, uklučajučy staršyniu i vydać ukaz ab praviadzieńni novych vybaraŭ prezidenta;
— sistemu vybarčych kamisij sfarmavać tak, što ŭ ich buduć uklučany pradstaŭniki ŭsich zacikaŭlenych palityčnych partyj, roznych hramadskich arhanizacyj, a taksama, u ABAVIAZKOVYM paradku, pradstaŭniki kandydataŭ u prezidenty;
— na kožnym učastku buduć ustalavanyja prazrystyja skryni i kamiery, jakija b viali anłajn-tranślacyju;
— kožny biuleteń budzie demanstravacca naziralnikam, i tolki paśla hetaha źmiaščacca ŭ stos hałasoŭ za kandydata
— davieranyja asoby kandydataŭ buduć mieć prava patrabavać pieraliku hałasoŭ za luboha kandydata na lubym učastku;
— daterminovaje hałasavańnie budzie dapuskacca ŭ vyklučnych vypadkach;
— usim kandydatam buduć pradastaŭlenyja roŭnyja mahčymaści dla ahitacyi, biez złoŭžyvańnia słužbovym stanoviščam.
U pierachodny pieryjad, da praviadzieńnia novych vybaraŭ, krainaj buduć kiravać tyja ž čynoŭniki, što i ciapier, za vyklučeńniem tych, chto hruba i adkryta parušaŭ zakon.
Babaryka try chviliny adkazvaŭ na pytańnie, čyj Krym. Tak i nie adkazaŭ89
Kamientary