U Žytkavičach sudzili naziralnika, jaki «z chulihanskich pamknieńniaŭ, biez pryčyny naviedvaŭ škołu»
5 žniŭnia Jaŭhien Ščur pajšoŭ nazirać za vybarami na ŭčastak, raźmieščany ŭ budynku viaskovaj škoły ŭ Žytkavickim rajonie. Spačatku jon apynuŭsia ŭ milicyi, potym — u izalatary časovaha ŭtrymańnia, potym — u sudzie, piša Svaboda.
Jaŭhiena Ščura abvinavacili ŭ drobnym chulihanstvie. U pratakole milicyja napisała skład pravaparušeńnia: «naŭmysna, z chulihanskich pamknieńniaŭ, nia majučy pryčyn naviedvańnia škoły, ihnaravaŭ patrabavańni dyrektara škoły pakinuć režymny abjekt. Svaimi dziejańniami parušyŭ hramadzki paradak i dziejnaść arhanizacyi, jakija vyjavilisia ŭ jaŭnaj niepavazie da hramadztva».
Jaŭhien nie pahadziŭsia z abvinavačańniami. Ale sud aštrafavaŭ jaho na 81 rubiel.
«Ja akredytavaŭsia naziralnikam na ŭčastak, dzie nikoli nie było naziralnikaŭ. Jak tolki ja źjaviŭsia, adniekul pryjšli i «svaje» naziralniki. Mnie nie chapiła miesca. Ja zastaŭsia ŭ kalidory vykonvać svaju misiju. Dyrektar škoły Halina Błockaja patrabavała ŭ niavietlivaj formie, kab ja syšoŭ, bo heta režymny abjekt. Ja spytaŭsia ŭ milicyjanta, jaki siadzieŭ na ŭčastku, ci parušaju ja niešta. Toj adkazaŭ, što nie. Ale dyrektar vyklikała na mianie milicyju. Mianie zavieźli ŭ RAUS, potym — na IČU», — kaža naziralnik.
Jon źviartaje ŭvahu, što da ŭčastku prypisanyja tolki 150 vybarcaŭ.
«I ŭsio roŭna kamisija niečaha baicca, niešta chočuć zrabić svajo, kali mianie prybrali z učastku. Ale siońnia ja znoŭ tut i naziraju za vybarčym pracesam», — dadaŭ Jaŭhien.
«Anlifanščyca ź Pinska» kaža, što jana nie anlifanščyca i nie ŭ rabstvie ŭ Mjanmie6
Kamientary