Kiraŭnik HUBAZiKa Karpiankoŭ dubinkaj raznosić vitrynu kafe FOTY
Siońnia ŭ kancy Marša adzinstva nieviadomyja ŭ kiepkach, maskach i z dubinkami ŭ rukach ŭvarvalisia ŭ kaviarniu O'Petit u samym pačatku praśpiekta Pieramožcaŭ.
Na praciahu ŭsiaho šmatsottysiačnaha maršu zatrymańniaŭ nie było, bo centr Minska byŭ prosta zality narodam. Zatrymlivać pačali, kali razychodzilisia apošnija tysiačy ludziej, praz hadziny dźvie paśla taho jak mitynhoŭcy pačali adychodzić ad rezidencyi prezidenta.
Dziki epizod zdaryŭsia na praśpiekcie Pieramožcaŭ kala Niamihi. Kali z mašyn vyskačyli cichary ŭ štackim, ale z dubinkami, ludzi kinulisia ŭ susiedniuju kaviarniu, a piersanał ustanovy zamknuŭ dźviery.
Tady ludzi ŭ cyvilnym raźbili šklanyja dźviery dubinkami i ŭvarvalisia ŭnutr. Jany vyvałakli niekalki čałaviek.
Akazałasia, što siarod ludziej, jakija raźbivali dźviery i vitryny, byŭ Mikałaj Karpiankoŭ, kiraŭnik Hałoŭnaha ŭpraŭleńnia pa baraćbie z arhanizavanaj złačynnaściu i karupcyjaj MUS.
— Supracoŭniki milicyi pieraśledavali aktyŭnych udzielnikaŭ niesankcyjanavanaha mierapryjemstva (mienš za dziesiać čałaviek), jakija ich pravakavali, a zatym pasprabavali schavacca ŭ kafe, — paviedamiła Onliner.by aficyjny pradstaŭnik MUS Volha Čamadanava.
Kadry, jak siłaviki dubinkami bjuć škło ŭ kaviarni, razyšlisia pa mnohich biełaruskich i zamiežnych ŚMI.
Ciapier čytajuć
U Łahojsku piekar admaŭlajecca pradavać svoj chleb pakupnikam, u jakich jość sabaki65
Kamientary