Na ŭjeździe ŭ Minsk z boku Mahilova i Homiela zrobiać śpiecyjalnyja «kišeni» dla haradskoha transpartu
Vyjezd ź Minska ŭ Mahiloŭskim i Homielskim kirunkach zrobiać zručniejšym. Na Partyzanskim praśpiekcie ŭ rajonie stancyi mietro «Mahiloŭskaja» źjavicca transpartny chab. Realizavać prajekt namiečana ŭžo hetaj vosieńniu, paviedamlaje Minharvykankam u svaim telehram-kanale.
Padrabiaznaściami padčas pramoj telefonnaj linii padzialiŭsia Alaksandr Darachovič, namieśnik staršyni Minharvykankama.
— Praz Partyzanski praśpiekt u stalicu štosutačna zajazdžaje 58 tysiač aŭtamabilaŭ. Heta samy napružany kirunak. U Minsk z usich napramkaŭ za sutki zajazdžaje 180 tysiač mašyn. Akramia lehkavych aŭtamabilaŭ, praśpiekt aktyŭna vykarystoŭvajuć vielikahruzy: śmiećciavozy, jakija jeduć na palihon, fury, jakija absłuhoŭvajuć pramysłovyja pradpryjemstvy. Da taho ž tam vielmi zapatrabavanaje miesca pasadki i vysadki pasažyraŭ: apošniaja stancyja mietro, vyjezd z horada ŭ napramku adrazu dvuch abłasnych centraŭ. Usio heta ŭ sumie pryvodzić da surjoznaj zahružanaści ŭčastka.
Dla palapšeńnia łahistyki ŭ častcy pasadki i vysadki pasažyraŭ transpartnyja patoki vyrašana raźvieści. Płanujecca ŭładkavać «kišeniu» dla hramadskaha transpartu.
Asobnaja płatforma budzie dla pasažyraŭ aŭtobusaŭ i tralejbusaŭ, inšaja — dla maršrutnych taksi. Takim čynam jany nie buduć pieraškadžać adzin adnamu i asnoŭnamu transpartnamu patoku.
Takija transpartnyja chaby stvorać jak z boku ŭjezdu ŭ horad, tak i z boku vyjezdu.
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie31
Kamientary