Minsk adtočvaŭ salidarnaść, a siłaviki — taktyku razhonu. Asnoŭnaje za 11 kastryčnika
— Bolš za 100 tysiač demanstrantaŭ iznoŭ vyjšli na vulicy Minska, niahledziačy na abłožny doždž.
— Łukašenkaŭcy siońnia abrali žorstkuju taktyku: jašče Marš nie pačaŭsia, a ŭžo adbyvalisia napady na patencyjnych udzielnikaŭ, u jakich brali ŭdzieł siłaviki biez apaznavalnych znakaŭ u čornaj i aliŭkavaj formie, a taksama ŭ džynsach, ale z dubinkami i ružžami.
— Jašče da taho, jak na vulicach pačali źbiracca ludzi, masava zatrymlivali žurnalistaŭ, pryčym nie tolki ŭ Minsku i zadoŭha da pačatku padziej. Zatrymanych žurnalistaŭ nie mienš za 43.
— Praz žorstki razhon na Stele siońnia sfarmiravalisia niekalki vialikich kałon: na Mašerava-Cimirazieva, na Pieramožcaŭ-Niamizie, a taksama na Ramanaŭskaj Słabadzie. Tamu składana padličyć dakładna, kolki ludziej udzielničała siońnia ŭ Maršy. Adnak ich vyhladała, što ich było nie mienš, čym minułyja niadzieli.
— Kałona ad Cimirazieva ŭ druhi raz sprabavała prajści da Steły, ale adtul vadamiotami ludziej adciaśnili ŭ bok Kalvaryjskaj, dzie jany abjadnalisia z kałonaj, što išła pa Ramanaŭskaj Słabadzie.
— Siłaviki zatrymlivali ludziej u chvaście kałony, raśsiakali jaje, a asnoŭnuju častku razahnali na Puškinskaj z vadamiotami i stralaninaj.
— Paralelna z hetym inšaja kałona prajšła maršam pa Bahdanoviča-Kujbyšava—Charužaj—Čarviakova.
— Karespandenty «Našaj Nivy» byli śviedkami, jak žychary Minska chavali demanstrantaŭ u bieź pierabolšańnia sotniach padjezdaŭ, kramaŭ, kaviarań u miescach razhonu. Asabliva dramatyčnyja padziei razharnulisia ŭ chostele «Fłetkom» na Puškinskaj.
— Siłaviki sutykajucca z žorstkaj krytykaj z boku piensijanieraŭ: šmatlikija videa hetaha apublikavanyja ŭ našym telehram-kanale @nashaniva, a voś druhoje videa, jak žančyny i piensijaniery sarvali intervju kamandzira AMAPa BT.
— Natoŭpy ludziej zastavalisia na vulicach u roznych kropkach Minska pad daždžom praciahły čas, ich padtrymlivali aŭtamabalisty, jakija tarmazili ruch.
— Pratesty adbylisia taksama ŭ abłasnych i rajonnych centrach krainy.
— Ahulnaje ŭražańnie karespandentaŭ «Našaj Nivy»: azart demanstrantaŭ u Minsku nie zhasaje, enierhija była mocnaja, salidarnaść haradžan taksama narastaje. U toj ža čas łukašenkaŭcy adtočvajuć taktyku raśsiačeńnia i razhonu.
Ciapier čytajuć
U Tajłandzie źnikła anlifanščyca ź Pinska. Jaje mahli pradać u Mjanmu4
Kamientary