Biełaruś na im pradstaŭlajuć pieršy vice‑premjer Uładzimir Siamaška, ministr zamiežnych spraŭ Siarhiej Martynaŭ, a taksama pasoł Biełarusi pry ES Uładzimir Siańko.
Biełaruś na im buduć pradstaŭlać pieršy vice‑premjer Uładzimir Siamaška i ministr zamiežnych spraŭ Siarhiej Martynaŭ.
«Uschodniaje partniorstva» — polska‑šviedskaja inicyjatyva, uchvalenaja ES u červieni 2008 hoda. Jana praduhledžvaje ŭdzieł 27 krain Jeŭrasajuza i šaści postsavieckich dziaržaŭ: Azierbajdžana, Armienii, Biełarusi, Hruzii, Małdovy i Ukrainy.
U prajekcie dekłaracyi, jakuju płanujecca pryniać pa vynikach pražskaha samita, vykazana ŭpeŭnienaść u tym, što Uschodniaje partniorstva «budzie pracavać na karyść demakratyčnych kaštoŭnaściej, umacavańnia stabilnaści i praćvitańnia, pryniasie ŭstojlivyja i adčuvalnyja pieravahi hramadzianam usich krain‑udzielnic».
Adznačajecca, što novaja prahrama ES zasnavana na fundamientalnych kaštoŭnaściach — demakratyi, viaršenstvie zakona, pavazie da pravoŭ i svabod, pryncypach mižnarodnaha prava, rynačnaj ekanomiki, ustojlivaha raźvićcia i dziaržkiravańnia.
Asnoŭnaja meta Uschodniaha partniorstva — «stvareńnie ŭmoŭ dla paskareńnia palityčnaj asacyjacyi i ekanamičnaj intehracyi ŭschodnich partnioraŭ i ES».
Dla pašyreńnia dvuchbakovych adnosinaŭ z krainami — udzielnicami inicyjatyvy ES płanuje raspracoŭvać pahadnieńni i prahramy, nakiravanyja na stvareńnie zon svabodnaha handlu, ablahčeńnie vizavych umoŭ, umacavańnie enierhietyčnaj biaśpieki.
U halinie šmatbakovaha supracoŭnictva praduhledžany čatyry tematyčnyja płatformy: demakratyzacyja, ekanamičnaja intehracyja, enierhietyčnaja biaśpieka, kantakty pamiž ludźmi.
Dakumient uchvalaje ideju stvareńnia parłamienckaj asamblei Uschodniaha partniorstva («Jeŭrahniazdo») i Forumu hramadzianskaj supolnaści.
Udzielniki samita płanujuć źviarnucca da Jeŭrapiejskaha inviestycyjnaha banka, Jeŭrapiejskaha banka rekanstrukcyi i raźvićcia, inšych finansavych struktur z prośbaj padtrymać raźvićcio małoha i siaredniaha biźniesu ŭ ramkach novaj prahramy ES.
23 krasavika na pres‑kanfierencyi ŭ Brusieli kamisar pa źniešniaj palitycy ES Bienita Fierera‑Valdnier zajaviła, što Biełaruś zmoža ŭdzielničać tolki ŭ šmatbakovych prajektach u ramkach Uschodniaha partniorstva, pakolki dvuchbakovaj častki pakul nie isnuje.
Pry hetym jeŭrakamisar nahadała, što «Biełaruś sama vykazała žadańnie zbližacca ź ES». «My adkrytyja i spadziajemsia na prahres, što my nadalej zmožam supracoŭničać z uładami Biełarusi», — padkreśliła jana.
Pavodle słoŭ Fierera‑Valdnier, ES uzajemadziejničaje ź biełaruskimi NDA i ŚMI. Z aficyjnym Minskam Jeŭrakamisija pačała kansultacyi ŭ asobnych śfierach, takich jak transpart, enierhietyka, źmiena klimatu.
Prapanova dla Biełarusi ab paŭnacennym členstvie ŭ Jeŭrapiejskaj palitycy dobrasusiedstva «zastajecca adkrytaj, ale dla hetaha nieabchodna vykanać peŭnyja ŭmovy», zaznačyła jeŭrakamisar.
U kastryčniku 2008 hoda ES nazvaŭ piać umoŭ u jakaści asnovy narmalizacyi adnosinaŭ ź Biełaruśsiu. Heta — reforma vybarčaha zakanadaŭstva, zabieśpiačeńnie svabody abjadnańniaŭ, stvareńnie ŭmoŭ dla dziejnaści NDA, svaboda presy, źniaćcie abmiežavańniaŭ dla svabody asoby.
Kamientary