Maryna Adamovič, žonka palitviaźnia Mikałaja Statkieviča, atrymała ad jaho čarhovy list. U im Statkievič źviarnuŭ uvahu, što na BT pierastali nazyvać kolkaść zatrymanych.
«Pa taziku i radyjo pierastali kazać pra kolkaść zatrymanych u apošniuju niadzielu, — adznačaje Statkievič. — Pračytaŭ, što kala tysiačy. «Dyjałoh» bujaie, jak chren u harodzie. Z tazika štodnia pakazvajuć, jak palicyja ŭ zachodnich krainach razhaniaje demanstrantaŭ. Maŭlaŭ, «usie robiać hetak». Pa-pieršaje, «hetak» nichto nie robić. A pa-druhoje, abrany na sumlennych i spraviadlivych vybarach urad atrymoŭvaje ad hramadzian i prava ŭžyvać siłu. Ale tolki ŭ miežach, pryniatych abranym na sumlennych i spraviadlivych vybarach parłamientam, zakonaŭ. I tolki za parušeńnie hetych zakonaŭ. A niezaležnyja sudy dy niezaležnaja presa sočać, kab usio adbyvałasia ŭ miežach zakonaŭ i kab pravy parušalnikaŭ nie byli parušany. Ale apošniaje słova zastajecca za hramadzianami, jakija mohuć zvolnić urad, jaki nie tak užyŭ siłu, na najbližejšych sumlennych i spraviadlivych vybarach.
Kali ž ułada nie abranaja na svabodnych i spraviadlivych vybarach, to jana sama źjaŭlajecca parušalnicaj zakonu. I nijakaha zakonnaha prava na hvałt suprać mirnych hramadzianaŭ jana nie maje», — adznačaje ŭ svaim liście palityk.
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie31
Kamientary