U dom na Čyhunačnaj pryjšli siłaviki. Paviedamlajuć pra zatrymańnie historyka Andreja Macuka
U domie na Čyhunačnaj, 44 u Minsku prachodziać pieratrusy ŭ kvaterach, paviedamlaje Tut.by.
Ranicaj žychary doma zaŭvažyli nieviadomyja mašyny ŭ dvary. Vyśvietlili, što ŭ domie minimum u try kvatery pryjšli siłaviki.
Pa słovach vidavočcy, adnaho ź miascovych žycharoŭ vyvodzili z padjezda ŭ bus, pryparkavany kala doma. A z boku kramy «Słavianski» pad ruki adviali mužčynu, što było ź im dalej — nieviadoma.
— Ludzi napałochanyja i napružanyja, usie bajacca vyjści, — kaža śviedka.
Pavodle jaho słoŭ, dvor u ich aktyŭny, na voknach jość simvolika, na vulicy — murały, ludzi zaviazvajuć stužački na płocie. Učora ŭ dvary bačyli milicyjantaŭ, ale zatrymańniaŭ nie było.
Adna ź nieviadomych mašyn zastajecca ŭ dvary.
«Biełsat» raniej paviedamiŭ ab zatrymańni historyka Andreja Macuka, jaki žyvie ŭ hetym domie. Dzie jon i ŭ jakim statusie, nieviadoma. Raniej Macuka ŭžo zatrymlivali ŭ kancy vieraśnia, jon byŭ asudžany na 13 sutak pa artykule 23.34 KaAP.
Macuk — adzin z samych aŭtarytetnych biełaruskich śpiecyjalistaŭ pa historyi VKŁ 18-ha stahodździa. Ź im nie praciahnuli kantrakt u Instytucie historyi.
Ciapier čytajuć
Dva sakrety, dziakujučy jakim adbyłasia karjera novaha pres-sakratara MZS Rusłana Varankova3
Dva sakrety, dziakujučy jakim adbyłasia karjera novaha pres-sakratara MZS Rusłana Varankova
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier55
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier5
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary