U Navapołacku čaćviarych studentaŭ Połackaha dziaržuniviersiteta sudzili za akcyju «Nul pramile». Va ŭsich štrafy ad 135 da 675 rubloŭ, paviedamlaje gorod214.by.
4 śniežnia niekalki studentaŭ PDU praviali fłešmob u hałoŭnym korpusie VNU. 7 śniežnia chłopca i troch dziaŭčat abvinavacili pa artykule 23.34 KoAP «Parušeńnie paradku arhanizacyi abo praviadzieńnia masavych mierapryjemstvaŭ». Maładoha čałavieka ŭ toj ža dzień zatrymali da suda. 10 śniežnia jamu dali štraf 25 bazavych vieličyń (675 rubloŭ).
Usich dziaŭčat sudzili 14 śniežnia. Kožnaja atrymała štraf 5 bazavych vieličyń (135 rubloŭ).
Studenty raspaviali gorod214.by, što nie zhadžalisia z pratakołami, zajavili, što pravodzili « nie masavuju akcyju, a antyałkaholny fłešmob».
Pieršymi akcyju «Nul pramile» ŭ listapadzie praviali miedyki balnicy chutkaj dapamohi z salidarnaści z zatrymanym kaleham: jon znachodzicca ŭ SIZA. Da ich dałučylisia i supracoŭniki Tut.by: žurnalist Kaciaryna Barysievič taksama ŭ SIZA. Doktaru i žurnalistu inkryminujuć č. 3. 178 Kryminalnaha kodeksa - «razhałašeńnie miedyčnaj tajamnicy, što paciahnuła ciažkija nastupstvy».
Na Tut.by byŭ apublikavany dakumient, jaki śviedčyć, što ŭ kryvi źbitaha i pamierłaha ramana Bandarenki nie było ałkaholu. SK i Alaksandr Łukašenka zajaŭlali, što Raman byŭ pjany.
Za źbićcio Ramana Bandarenki nikoha nie zatrymali, kryminalnaj spravy taksama niama.
Ciapier čytajuć
«Łukašenka na minimałkach». «Biełaruski kachanak usiaje Rusi» staŭ kumiram žanočaha tyktoka4
«Łukašenka na minimałkach». «Biełaruski kachanak usiaje Rusi» staŭ kumiram žanočaha tyktoka
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary