Pucin pra Biełaruś: Treba dać mahčymaść biełaruskamu narodu ŭnutry krainy razabracca sa svaimi prablemami
Pucin na svajoj pres-kanfierencyi vykazaŭsia pra situacyju ŭ Biełarusi.
«Biełaruś — ja ŭžo šmat razoŭ vykazvaŭsia na hety kont. Zychodžu z taho, što treba dać mahčymaść biełaruskamu narodu ŭnutry razabracca sa svaimi pytańniami, vyrašyć ich u spakojnym režymie. Prezident Łukašenka vykazvaŭsia na hety kont nieadnarazova, ja ź im zhodny ŭ tym, što treba rabić heta ŭ spakojnaj, rytmičnaj abstanoŭcy. Jon inicyjavaŭ źmieny ŭ kanstytucyju. Pahladzim, jak heta budzie ŭsio adbyvacca. Tut chaciełasia tolki damahčysia adnaho: biez umiašańnia zvonku. Toje, što my bačym ciapier, na žal, heta ŭmiašańnie maje miesca być —heta infarmacyjnaja, palityčnaja, finansavaja padtrymka apazicyi z-za miažy. Z-za miažy ničoha dobraha nikoli nie atrymlivajecca», — skazaŭ jon.
Pa słovach Pucina, heta maje pryncypovaje značeńnie.
«Jak by ciažka, ciažka i navat doŭha heta nie adbyvałasia, heta pavinna paśpieć unutry hramadstva. Usio, što ŭkinuta zvonku, pracuje nie jak supakojščyk situacyi, a jak vybuchovaja pryłada, jak hranata. Nie dapamahaje nikoli. Treba prosta nabracca ciarpieńnia i pačakać. Dapamahać usim palityčnym siłam nie kanfliktavać adzin z adnym, a naładzić usich na pazityŭny dyjałoh, nakiravany na abaronu intaresaŭ hramadzian», — adznačyŭ jon.
Ciapier čytajuć
U Varšavu pryjechała sotnia biełaruskich palitviaźniaŭ10
Kamientary