Hałoŭnaje ŭpraŭleńnie Fiederalnaj słužby vykanańnia pakarańniaŭ pa Maskvie pryhraziła źviarnucca ŭ sud z prośbaj zamianić palityku Alaksieju Navalnamu ŭmoŭny termin pa spravie «Iŭ Raše» na realny, kali jon nie źjavicca ŭ filijał viedamstva ŭ 9 hadzin ranicy 29 śniežnia. Pra heta paviedamiŭ advakat Vadzim Kobzieŭ, piša meduza.io.
U paviedamleńni viedamstva havorycca, što Navalny nie vykonvaje ŭskładzienyja na jaho sudom abaviazki i ŭchilajecca ad kantrolu kryminalna-vykanaŭčaj inśpiekcyi. U kancy 2014 hoda Alaksiej Navalny byŭ asudžany pra spravie «Iŭ raše» na 3,5 hoda ŭmoŭna.
U adpaviednaści z prysudam suda na ŭmoŭna asudžanaha ŭskładzieny abaviazki, za nievykanańnie jakich jon niasie adkaznaść, praduhledžanuju zakanadaŭstvam Rasijskaj Fiederacyi.
Zaraz Navalny znachodzicca ŭ Niamieččynie — jaho vyvieźli tudy na lačeńnie paśla atručvańnia «Navičkom» u žniŭni. Uładzimir Pucin kazaŭ, što asabista spryjaŭ tamu, kab Navalnaha vypuścili na lačeńnie za miažu, adznačajučy, što ŭ taho byli abmiežavańni na vyjezd. Navalny zajaŭlaŭ, što heta chłuśnia i što jon mieŭ prava svabodna vyjazdžać.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii37
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4545
Kamientary