Zhodna z papiaredniaj infarmacyjaj, novy štam kavidu pavyšaje vierahodnaść śmiarotnaści na 30-40%, chacia źviestki zastajucca dakładna niavyznačanymi, paviedamlaje amierykanskaje vydańnie The Wall Street Journal.
Brytanskija pradstaŭniki Ministerstva achovy zdaroŭja papiaredžvajuć, što novy štam karanavirusa, jaki vyjavili ŭ krainie ŭ minułym miesiacy, moža być značna bolš śmiarotny i zarazny, što pryviadzie da bolš aktyŭnaj hłabalnaj vakcynacyi.
Novy štam kavidu — najbolš raspaŭsiudžanaja raznavidnaść va ŭsich častkach Vialikabrytanii. Ułady ZŠA zaniepakojenyja, što da sakavika hety štam stanie samym raspaŭsiudžanym i ŭ Amierycy. Hałoŭny navukovy daradca Brytanii Patryk Vełans u piatnicu zajaviŭ, što vierahodnaść latalnaha zychodu ad novaha štamu bolš na 30-40% za papiarednija raznavidnaści kavidu, ale źviestki niedakładnyja. Vełans śćviardžaje, što z 1000 60-hadovych infikavanych novym štamam prykładna dla 13-14 virus budzie śmiarotnym.
Zhodna z papiarednimi vysnovami ź Vialikabrytanii, zasnavanymi na čatyroch asobnych daśledavańniach, mutacyi karanavirusa robiać jaho ŭsio bolš zaraznym, śmiarotnym i ŭstojlivym da vakcyn. Heta nazirajecca i ŭ Paŭdniovaj Afrycy, dzie novy štam virusa robić ciapierašnija vakcyny značna mienš efiektyŭnymi. Praz heta vykazvajuć zaniepakojenaść i daśledčyki z Brazilii.
Vysnovy navukoŭcaŭ, jakija kansultujuć urad Vialikabrytanii, adnosna ŭmoŭnyja. Ale brytanskija balnicy pierapoŭnienyja chvorymi na kavid najbolš ščylna za ŭvieś čas pandemii. Imavierna, kolkaść pamierłych ad kavidu ŭ Brytanii na nastupnym tydni pieravysić 100 000. Pry hetym vakcynacyja ŭ Vialikabrytanii prachodzić bolš aktyŭna, čym u inšych krainach Jeŭropy. Kala 5,4 miljonaŭ čałaviek vakcyjanavali ŭ krainie pa stanie na čaćvier.
Premjer-ministr Vialikabrytanii Borys Džonsan na pres-kanfierencyi ŭ piatnicu, 22 studzienia, zajaviŭ: «Siońnia nam paviedamili: u dadatak da chutkaha raspaŭsiudžvańnia, źjavilisia dokazy, što novy štam, jaki ŭpieršyniu byŭ znojdzieny ŭ Łondanie i ŭ paŭdniovaj častcy krainy, źviazany z bolš vysokaj śmiarotnaściu».
Zajava Borysa Džonsana była zasnavanaja na rekamiendacyi ad navukovaha kamiteta, viadomaha jak Nervtag (Kansultatyŭnaja hrupa pa novych reśpiratornych virusnych pahrozach). U artykule Nervtag śćviardžałasia, što čatyry asobnyja hrupy navukoŭcaŭ daśledavali źviestki i suadnosili ich z uzrostam, połam, etničnaj prynaležnaściu i papiarednimi zachvorvańniami. Vyjaviłasia, što novy štam pavialičvaje śmiarotnaść u 1,36-1,91 razu.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?18
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci33
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci3
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3232
Kamientary