Palittechnołah Hleb Paŭłoŭski, jaki supracoŭničaŭ z Kramlom padčas druhoha prezidenckaha terminu Barysa Jelcyna (1996-1999), raskryŭ detali vybaru im svajho pierajemnika. Pra heta raspavioŭ u intervju Lenta.ru.
«[Krytery byli] tolki ŭ hałavie ŭ Barysa Mikałajeviča. Naš padbor nie hraŭ nijakaj roli. Heta było suvierennaje rašeńnie Jelcyna, dzie nijakich kryteraŭ nie było, usio adbyvałasia javačnym paradkam», — adznačyŭ Paŭłoŭski.
Jon dadaŭ, što spačatku, u 1997 hodzie, na rolu pierajemnika vysunuŭsia Barys Niamcoŭ. «My zajmalisia jaho raskrutkaj, i ŭžo da leta 1997 hoda jaho rejtynh pieravysiŭ rejtynh [Hienadzia] Ziuhanava.
Ale tut pačałasia vajna suprać jaho z boku dvuch miedyjaaliharchaŭ, jakija kantralavali telebačańnie — [Uładzimira] Husinskaha i [Barysa] Bierazoŭskaha. Prykładna za hod jany jaho źniščyli jak kandydata ŭ prezidenty», — raspavioŭ Paŭłoŭski.
Paŭłoŭski raspavioŭ, što zatym pačaŭsia pošuk Jelcynym pierajemnika siarod siłavikoŭ — «intelihientnych siłavikoŭ», pieršym ź jakich byŭ Jaŭhien Prymakoŭ, jaki ŭ 1990-ch uznačalvaŭ Słužbu źniešniaj raźviedki.
«Atrymałasia tak, što hety intelihientny siłavik akazaŭsia zanadta ŭdałaj znachodkaj. Jon vielmi chutka staŭ papularny i pavioŭ siabie niezaležna ad Jelcyna. Barysu Mikałajeviču heta nie padabałasia», — rastłumačyŭ palittechnołah.
31 śniežnia 1999 hoda Barys Jelcyn abviaściŭ pra svaju adstaŭku i pryznačyŭ v.a. prezidenta tahačasnaha premjer-ministra, byłoha dyrektara FSB Uładzimira Pucina.
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza14
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary