U sudzie Zavodskaha rajona Minska 9 sakavika litaralna za niekalki hadzin była razhledžanaja kryminalnaja sprava suprać palityčnaha źniavolenaha Dzianisa Dziemucha. Sudździa Aleh Kalada pryznaŭ Dzianisa vinavatym u ździajśnieńni złačynstva pa art. 342 Kryminalnaha kodeksa i prysudziŭ jamu 1 hod i 6 miesiacaŭ pazbaŭleńnia voli ŭ kałonii ahulnaha režymu, paviedamlajuć pravaabaroncy.
Taksama «Minsktrans» zajaŭlaŭ hramadzianski pazoŭ ab kampiensacyi materyjalnaj škody, adnak sud jaho nie zadavoliŭ. Termin pakarańnia budzie adličvacca z momantu zatrymańnia palitviaźnia.
Dzianis Dziamuch byŭ zatrymany čaćviortaha kastryčnika paśla akcyi «Marš vyzvaleńnia palitviaźniaŭ». Jaho asudzili na 13 sutak aryštu, paśla jakich jon tak i nie vyjšaŭ na volu. Na Dzianisa zaviali kryminalnuju spravu pavodle č. 1 art. 342 Kryminalnaha kodeksa (Aktyŭny ŭdzieł u hrupavych dziejańniach, jakija hruba parušajuć hramadski paradak). Jon byŭ pryznany palityčnym źniavolenym.
Da suda Dzianis znachodziŭsia ŭ SIZA-1 na vuł. Vaładarskaha ŭ Minsku.
-
Žurnalistka «Sputnika» źviartajecca da Łukašenki: jaje syn pastupiŭ u Vyšejšuju škołu ekanomiki ŭ Maskvie, a doma na jaho zaviali kryminałku
-
Były supracoŭnik «Bietery» zapisaŭ vialikaje videa pra heta anłajn-kazino. Ciapier u jaho prablemy ź milicyjaj
-
U Minsku raźvitalisia z paetam Uładzimiram Karyznam, aŭtaram słoŭ da ciapierašniaha dziaržaŭnaha himna Biełarusi
Kamientary