U ES z 15 červienia ŭviaduć pašparty vakcynacyi, kab «viarnuć narmalnaje žyćcio»
Adziny dla hramadzian usich 27 krain Jeŭrapiejskaha Sajuza siertyfikat zdaroŭja budzie dastupny z 15 červienia. Dakumient budzie ŭtrymlivać infarmacyju ab vakcynacyi ad COVID-19. Pra heta zajaviŭ jeŭrakamisar, jaki adkazvaje za vakcynacyju, Ćjery Breton u efiry telekanała LCI.
Jak adznačyŭ Breton, siertyfikat možna spampavać na smartfon abo razdrukavać u papiarovym vyhladzie. «Jon nie budzie abaviazkovym, ale avijakampanii mohuć jaho patrabavać», — skazaŭ čynoŭnik.
Pavodle jaho słoŭ, dakumient z QR-kodam budzie ŭtrymlivać proźvišča ŭładalnika, datu naradžeńnia, numar pašparta, a taksama źviestki ab tym, ci prajšoŭ jon vakcynacyju i jakim preparatam, a taksama chvareŭ jon ci nie.
Hety siertyfikat budzie ŭzhodnieny pamiž dziaržavami-siabrami, jeŭrapiejskija hramadzianie, jakija zachočuć jaho atrymać, pavinny buduć padać zapyt na jaho ŭ svajoj krainie.
Jaho meta — «adnavić ruch, viarnuć narmalnaje žyćcio» i «zdolnaść ruchacca biez ryzyki dla siabie ci inšych», — skazaŭ Breton.
Nahadajem, u kancy lutaha lidary krain Jeŭrapiejskaha Sajuza damovilisia ab nieabchodnaści ŭviadzieńnia siertyfikataŭ ab vakcynacyi. Jany buduć uviedzienyja na praciahu troch miesiacaŭ, chacia ŭ SAAZ zaklikali krainy nie ŭvodzić tak zvanyja «COVID-pašparty». Adnak, kali ŭ dalejšym situacyja z dastupnaściu i biaśpiekaj vakcyn źmienicca, takija dakumienty mohuć spatrebicca, ličać u arhanizacyi.
Ciapier čytajuć
U Tajłandzie źnikła anlifanščyca ź Pinska. Jaje mahli pradać u Mjanmu4
Kamientary