Pres-sakratar prezidenta Rasii Dźmitryj Piaskoŭ prakamientavaŭ žurnalistam pratesty ŭ Tbilisi z-za vizitu tudy televiadučaha Uładzimira Poźniera, piša RBK.
«U Hruzii niebiaśpiečna dla rasijskich hramadzian. Tudy prosta niebiaśpiečna jeździć, i heta rasiejcy pavinny dakładna razumieć», — skazaŭ Piaskoŭ.
Havorka idzie pra padziei ŭ Tbilisi ŭ sieradu ŭviečary. Poźnier pryjechaŭ u stalicu Hruzii, kab adznačyć svoj dzień naradžeńnia: 1 krasavika jamu spoŭniłasia 87 hadoŭ.
Kala haścinicy, dzie spynilisia žurnalist i jaho hości, pačałasia akcyja pratestu. Jak paviedamlaje «Hruzija Anłajn», mitynhoŭcy zakidali budynak jajkami, akramia taho, im udałosia abiastočyć budynak haścinicy. Padstavaj dla niezadavolenaści pratestoŭcaŭ stała pazicyja Poźniera pa situacyi ŭ Abchazii i Paŭdniovaj Asiecii.
Akramia taho, manifiestanty paskardzilisia ŭ inśpiekcyju pracy na toje, što Poźnier z haściami zładziŭ u haścinicy viačeru ŭ parušeńnie dziejučaj u Hruzii z 21:00 kamiendanckaj hadziny. Restaracyi vypisali štraf u pamiery 10 tys. łary (7600 biełaruskich). Poźnier i častka zaprošanych na ŭračystaść haściej taksama byli aštrafavanyja.
Žurnalist i jaho hości pad achovaj palicyi vyjšli z budynka, sieli ŭ aŭtobus i adpravilisia ŭ aeraport, a zatym pakinuli Hruziju.
-
Padčas bambardzirovak Irana amierykancy nie kranajuć maleńki vostraŭ — hałoŭnuju naftavuju arteryju. Čamu?
-
Cana Brent adkaciłasia da $90 za baral na fonie abiacańniaŭ Trampa chutka skončyć vajnu suprać Irana
-
Kamandujučy elitnaha iranskaha śpiecnaza pracavaŭ na Izrail? Kažuć, jon saskočyŭ z sustrečy ŭ Chamieniei za paŭhadziny da ŭdaru
Kamientary