Ministerstva antymanapolnaha rehulavańnia i handlu vyniesła papiaredžańnie kampanii «Enierha-OIŁ», jakaja vałodaje sietkaj pa prodažy tytuniovych vyrabaŭ «Tabakierka». Pryčyna — «złoŭžyvańnie daminujučym stanoviščam».
«Pa vynikach praviedzienaha MARH analizu tavarnaha rynku tytuniovych vyrabaŭ (aptovy handal/aptovaja realizacyja) na pradmiet vyznačeńnia haspadarčych subjektaŭ, jakija zajmajuć daminujučaje stanovišča na dadzienym tavarnym rynku, a taksama ŭ častcy vyznačeńnia mahčymych faktaraŭ, jakija ŭskładniajuć dostup na jaho, SZAT «Enierha-OIŁ» z 15 studzienia 2021 h. uklučana ŭ Dziaržaŭny rejestr haspadarčych subjektaŭ, jakija zajmajuć daminujučaje stanovišča na tavarnych rynkach, pa tavarnaj pazicyi «Tytuniovyja vyraby (aptovaja handal) za vyklučeńniem tytuniovych vyrabaŭ, impartujemych hramadstvam».
U suviazi z hetym MARH vydała papiaredžańnie SZAT «Enierha-OIŁ» ab nieabchodnaści raspracoŭki praviłaŭ handlovaj praktyki, nakiravanych na zabieśpiačeńnie niedyskryminacyjnaha dostupu da tavaraŭ, a mienavita: abjomy pastaŭki i asartymient tavaraŭ, paradak i ŭmovy apłaty, dastaŭki tavaraŭ, miery adkaznaści za parušeńnie abaviazacielstva, inšyja ŭmovy, jakija vyklučajuć naviazvańnie spažyŭcu ekanamična abo technałahična nie abhruntavanych umoŭ dahavora, jaki praduhledžvaje pastaŭki tavaraŭ, niavyhadnych dla jaho ci nie adnosiacca da pradmieta nazvanaj damovy.
Ciapier čytajuć
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy17
Kamientary