Japoniec zavioŭ stasunki z 35 žančynami adnačasova, kab atrymać 35 padarunkaŭ na dzień naradžeńnia
Japonskaja palicyja aryštavała mužčynu, jaki, jak miarkuje śledstva, zavioŭ ramantyčnyja adnosiny z 35 žančynami adnačasova, kab atrymlivać ad kožnaj padarunki na dzień naradžeńnia. Pra heta sa spasyłkaj na Japan Today paviedamlaje Tjournal.
39-hadovy Takasi Mijahava, jaki nie maje stałaha miesca pracy, kazaŭ kožnaj žančynie, što jaho dzień naradžeńnia vypadaje na roznyja daty. Adnoj achviary jon raspavioŭ, što adznačaje śviata ŭ lutym, druhoj — u lipieni, a treciaj — u krasaviku. Na samaj spravie Mijahava naradziŭsia 13 listapada.
Japonski telekanał MBS apublikavaŭ repartaž z fotazdymkami, na jakich Mijahava źjaŭlajecca z roznymi žančynami, a adna ź ich trymaje tabličku z dvuma tartami i podpisam «Z dniom naradžeńnia». Žančyny, miarkujučy pa ŭsim, nie zdahadvalisia, što ŭ jaho jość inšyja.
Usiaho Mijahava atrymaŭ padarunkaŭ amal na tysiaču dalaraŭ, uklučajučy pašytyja na zakaz kaściumy i najaŭnyja. Mierkavana, jon znajomiŭsia z adzinokimi žančynami, handlujučy lejkami dla duša — jamu navat udałosia pradać niekatorym svaje tavary. Mijahava pačynaŭ stasunki z abiacańniaŭ, što aženicca z kožnaj čarhovaj «abrańnicaj».
Kali žančyny daviedalisia ab isnavańni adna adnoj, jany źviarnulisia ŭ palicyju. Na momant napisańnia natatki kolkaść achviar Mijahavy składała 35 čałaviek. U dačynieńni da mužčyny pačali rasśledavańnie pa abvinavačvańni ŭ machlarstvie.
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ89
Kamientary