Intervju sa Śviatłanaj Cichanoŭskaj u haziecie Intex-press pryznana ekstremisckim
Zhodna z pazovam Baranavickaj mižrajprakuratury apublikavanaje ŭ haziecie Intex-press intervju sa Śviatłanaj Cichanoŭskaj i jaho videazapis pryznanyja ekstremisckimi materyjałami, paviedamlaje BAŽ.
«U intervju Śviatłany Cichanoŭskaj źmiaščałasia infarmacyja, nakiravanaja na raspalvańnie ŭ hramadstvie palityčnaj, ideałahičnaj, sacyjalnaj varažniečy», paviedamlaje Hienprakuratura.
Nahadajem, što hałoŭnaha redaktara vydańnia Uładzimira Janukieviča vyklikali ŭ sud jak uładalnika sajta Intex-press, na jakim była raźmieščanaja elektronnaja viersija materyjału. Jamu dali maksimalna mahčymaje dla fizasoby pakarańnie — 20 bazavych štrafu (580 rubloŭ).
Akramia taho, Baranavicki mižrajonny prakuror abviaściŭ Uładzimiru Janukieviču aficyjnaje papiaredžańnie ab niedapuščalnaści paŭtornaha parušeńnia zakanadaŭstva ab ŚMI.
Pa zajavie terytaryjalnaj prakuratury sud svaim rašeńniem pryznaŭ apublikavany ŭ haziecie Intex-press artykuł, a taksama raźmieščany na internet-resursie tekst intervju i jaho videazapis ekstremisckimi materyjałami i dapuściŭ jaho nieadkładnaje vykanańnie.
Kopija rašeńnia nakiravana ŭ Mininfarmacyi dla ŭklučeńnia infarmacyjnaj pradukcyi ŭ respublikanski śpis ekstremisckich materyjałaŭ, abmiežavańnia dostupu da internet-sajta za parušeńnie paradku vykarystańnia resursu i raźmiaščeńnia na im infarmacyi, raspaŭsiudžvańnie jakoj zabaroniena zakanadaŭstvam.
Učora stała viadoma, što «Biełpošta» admoviłasia ŭklučać hazietu ŭ padpisny katałoh na druhoje paŭhodździe, a handlovyja sietki admovilisia pradavać vydańnie.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Kamientary