Berlinskaje biuro «Reparcioraŭ biaź miežaŭ» stanie kaardynataram hetaj arhanizacyi ŭ pytańniach hetak zvanaha «prablemnaha rehijonu», da jakoha, u tym liku, naležyć i Biełaruś. Hałoŭny ofis eŭrapiejskaj pravaabarončaj žurnalisckaj arhanizacyi «Reparciory biaź miežaŭ» znachodzicca ŭ Paryžy. Siudy, a taksama ŭ jaje filii ŭ Berlinie, Vienie, Rymie, Bruseli, Madrydzie, Stakholmie, Ńju-Jorku, Vašynhtonie, Atavie, Tokijo, Banhkoku ściakajecca ŭsia infarmacyja pra čarhovuju niebiaśpieku dla svabody słova ŭ toj ci inšaj krainie. Arhanizacyja maje sotniu ŭłasnych karespandentaŭ u samych roznych kutkach śvietu, na padstavie ichnych paviedamleńniaŭ robić admysłovyja zajavy i spravazdačy dla kiraŭnictva EZ i asobnych krainaŭ, farmuje hramadzkuju dumku adnosna sytuacyi z pravami ŚMI ŭ śviecie. Pavodle pradstaŭnicy berlinskaha biuro «Reparcioraŭ biaź miežaŭ» Katryn Evers, apošnim časam ź Biełarusi pastupaje zašmat tryvožnych cyhnalaŭ pra cisk režymu na svabodu słova, hetaja kraina ŭ centry Eŭropy stanovicca «vielmi prablemnym rehijonam». (Evers: ) «My ( našaje berlinskaje biuro ) budziem bližejšym časam kaardynavać pytańni hetak zvanaha prablemnaha rehijonu – Biełarusi, Uzbekistanu, šerahu inšych centralnaazijackich krainaŭ. Na žal, tolki sioleta, za šeść miesiacaŭ hodu, my zrabili siem zajavaŭ pa Biełarusi – heta ŭ tym liku zajava pa spynieńni spravy źnikłaha Źmitra Zavadzkaha, zajava pra abmiežavańnie svabody presy ŭ časie prezydenckaj kampanii, pra zakryćcio ŭładami niezaležnych vydańniaŭ, pra pieraśled niezaležnych žurnalistaŭ, u vyniku čaho jany musiać prasić palityčnaha prytułku ŭ inšych krainach, pra sprobu ŭładami ažyćciaŭlać kantrol u Internecie» Pavodle Katryn Evers, u «Reparcioraŭ biaź miežaŭ» majecca infarmacyja pra pieramovy pamiž Biełaruśsiu i Kitajem adnosna stvareńnia systemy žorstkaha cenzuravańnia ŭ siecivie. Arhanizacyja zaniepakojenaja, što chutkim časam «Łukašenka budzie sprabavać kantralavać Internet, jak i inšyja medyi». «My budziem nastojvać na tym, kab Eŭrakamisija pačała ažyćciaŭlać peŭnyja kankretnyja rečy, kab abaranić pravy biełaruskich hramadzianaŭ na svabodu słova», – havoryć pradstaŭnica berlinskaha biuro eŭrapiejskaj žurnalisckaj arhanizacyi Katryn Evers.
Berlinskaje biuro «Reparcioraŭ biaź miežaŭ» stanie kaardynataram hetaj arhanizacyi ŭ pytańniach hetak zvanaha «prablemnaha rehijonu», da jakoha, u tym liku, naležyć i Biełaruś.
Hałoŭny ofis eŭrapiejskaj pravaabarončaj žurnalisckaj arhanizacyi «Reparciory biaź miežaŭ» znachodzicca ŭ Paryžy. Siudy, a taksama ŭ jaje filii ŭ Berlinie, Vienie, Rymie, Bruseli, Madrydzie, Stakholmie, Ńju-Jorku, Vašynhtonie, Atavie, Tokijo, Banhkoku ściakajecca ŭsia infarmacyja pra čarhovuju niebiaśpieku dla svabody słova ŭ toj ci inšaj krainie. Arhanizacyja maje sotniu ŭłasnych karespandentaŭ u samych roznych kutkach śvietu, na padstavie ichnych paviedamleńniaŭ robić admysłovyja zajavy i spravazdačy dla kiraŭnictva EZ i asobnych krainaŭ, farmuje hramadzkuju dumku adnosna sytuacyi z pravami ŚMI ŭ śviecie.
Pavodle pradstaŭnicy berlinskaha biuro «Reparcioraŭ biaź miežaŭ» Katryn Evers, apošnim časam ź Biełarusi pastupaje zašmat tryvožnych cyhnalaŭ pra cisk režymu na svabodu słova, hetaja kraina ŭ centry Eŭropy stanovicca «vielmi prablemnym rehijonam».
(Evers: ) «My ( našaje berlinskaje biuro ) budziem bližejšym časam kaardynavać pytańni hetak zvanaha prablemnaha rehijonu – Biełarusi, Uzbekistanu, šerahu inšych centralnaazijackich krainaŭ. Na žal, tolki sioleta, za šeść miesiacaŭ hodu, my zrabili siem zajavaŭ pa Biełarusi – heta ŭ tym liku zajava pa spynieńni spravy źnikłaha Źmitra Zavadzkaha, zajava pra abmiežavańnie svabody presy ŭ časie prezydenckaj kampanii, pra zakryćcio ŭładami niezaležnych vydańniaŭ, pra pieraśled niezaležnych žurnalistaŭ, u vyniku čaho jany musiać prasić palityčnaha prytułku ŭ inšych krainach, pra sprobu ŭładami ažyćciaŭlać kantrol u Internecie»
Pavodle Katryn Evers, u «Reparcioraŭ biaź miežaŭ» majecca infarmacyja pra pieramovy pamiž Biełaruśsiu i Kitajem adnosna stvareńnia systemy žorstkaha cenzuravańnia ŭ siecivie. Arhanizacyja zaniepakojenaja, što chutkim časam «Łukašenka budzie sprabavać kantralavać Internet, jak i inšyja medyi».
«My budziem nastojvać na tym, kab Eŭrakamisija pačała ažyćciaŭlać peŭnyja kankretnyja rečy, kab abaranić pravy biełaruskich hramadzianaŭ na svabodu słova», – havoryć pradstaŭnica berlinskaha biuro eŭrapiejskaj žurnalisckaj arhanizacyi Katryn Evers.
Ciapier čytajuć
Na abiedzie Łukašenki i Si Czińpina prysutničała i adzinaja dačka kitajskaha lidara11
Kamientary