Telepiersanaž Vadzim Baravik prapanavaŭ dadavać niavińnicam bałaŭ na CT
Eks-davieranaja asoba Łukašenki Vadzim Baravik i prapahandyst Hryhoryj Azaronak parazvažali ŭ efiry STB pra «tradycyjnyja kaštoŭnaści».
«Pasłuchajcie, chopić adstupać, — kazaŭ Baravik u Azaronkavaj prahramie «Tajemnyja spružyny palityki 2.0». — Voś hetyja tradycyjnyja kaštoŭnaści, ja ciapier budu kazać pierabolšana, kab hladač zapomniŭ. Heta nie značyć, što Ministerstva adukacyi mianie na heta ŭpaŭnavažyła. Heta mierkavańnie Baravika. Ale kali ŭ nas niavińnicy pačnuć zakančvać škołu, i voś niavińnica skončyła škołu, my joj da centralizavanaha testavańnia dadajom niekalki bałaŭ, i jana prachodzić. Tamu što tak, u nas mienš budzie EKA. U nas budzie bolš zdarovaja moładź. Jany buduć razumieć, što jość tradycyjnyja kaštoŭnaści, kaštoŭnaść siamji. My nie budziem vychoŭvać, jakija preziervatyvy nadziavać u škole, a my budziem jaje vučyć, što treba pavažać muža, a muž pavinien pavažać žonku, što dzicia ŭ pryjarytecie ŭ siamji. Razumiejecie? Voś hetamu treba vučyć.
Voś siońnia ŭ nas lubiać: emansipacyja, fieminizm. My nikoli nie budziem uščamlać žančyn. Ale kali my siońnia dziaŭčynku navučym pavažać mužčynu, a mužčynu navučym być hałavoj siamji, tady ŭ nas nie budzie 40-hadovych iłboŭ, jakich utrymlivajuć maci-piensijanierki. Kolki ŭ nas takich, jakija pjuć, nie pracujuć, darmajedstvujuć, a maci ich…»
«A paśla na mitynhi», — padsumavaŭ Azaronak.
Kamientary