U Mahilovie pačaŭsia zakryty sud nad Sieviaryncam i aktyvistami «Jeŭrapiejskaj Biełarusi». Usich prysutnych paprasili adyści ad budynka
Siońnia ŭ sudzie Mahiloŭskaj vobłaści pačaŭsia razhlad kryminalnaj spravy suprać cełaj hrupy palitviaźniaŭ — Paŭła Sieviarynca, Jaŭhiena Afnahiela, Andreja Vojniča, Paŭła Juchnieviča, Maksima Viniarskaha, Iryny Ščasnaj i Dźmitryja Kazłova (błohier «Šery kot»).
Raniej było zajaŭlena, što sud budzie prachodzić u zakrytym režymie. Za dvaccać chvilin da pačatku pracesu z budynka supracoŭniki milicyi prahnali ŭsich achvotnych padtrymać palitviaźniaŭ, paviedamlajuć pravabaroncy.
Unutry znachodziacca tolki maci i žonka Paŭła Sieviarynca — jany chočuć trapić na pryjom da staršyni suda.
U faje znachodzicca ŭsio načalstva Leninskaha RAUS, 7 aficeraŭ sustrakajuć usich, chto pryjšoŭ. Prysutničaje taksama namieśnik načalnika UUS Mahiloŭskaha abłvykankama Uładzimir Ryžankoŭ.
U kancylaryi suda raniej adznačali, što źbirajucca zrabić praces zakrytym.
Milicyja zapatrabavała ad ludziej, jakija pryjšli padtrymać palitviaźniaŭ, razyścisia ad budynka (pryjšli kala 40 čałaviek). U advarotnym vypadku, jak zajaviŭ supracoŭnik Leninskaha RAUS Karnijenka, milicyja budzie rasceńvać heta jak niesankcyjanavanaje masavaje mierapryjemstva.
Na miesca ŭžo prybyŭ AMAP, ludzi vyrašyli adyści. Byŭ zatrymany žurnalist Alaksandr Burakoŭ.
Nahadajem, što Sieviaryncu vystavili abvinavačańnie pa č. 2 art. 293 Kryminalnaha kodeksa (Udzieł u masavych biesparadkach), Vojniču, Viniarskamu, Juchnieviču i Afnahielu taksama — pa č. 2 art. 293. Afnahielu taksama pa č. 3. art. 293 (Navučańnie ci inšaja padrychtoŭka asob dla ŭdziełu ŭ masavych biesparadkach albo finansavańnie hetaj dziejnaści). Dźmitryj Kazłoŭ byŭ abvinavačany pa č. 1 art. 342 KK (Arhanizacyja ci aktyŭny ŭdzieł u hrupavych dziejańniach, jakija hruba parušajuć hramadski paradak).
Ciapier čytajuć
Dva sakrety, dziakujučy jakim adbyłasia karjera novaha pres-sakratara MZS Rusłana Varankova5
Dva sakrety, dziakujučy jakim adbyłasia karjera novaha pres-sakratara MZS Rusłana Varankova
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier55
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier5
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary