Fiaduta — «Narodnaj voli»: Ja sapraŭdy pryznaju siabie ŭdzielnikam zmovy
Pra heta palitołah i litaraturaznaŭca napisaŭ u adnym ź listoŭ u «Narodnuju volu».
Nahadajem, jon byŭ zatrymany ŭ Maskvie 12 krasavika siłavikami i paźniej razam ź Juryjem Ziankovičam, Ryhoram Kastusiovym, Iharam Makaram i šeraham inšych ludziej abvinavačany ŭ padrychtoŭcy dziaržaŭnaha pieravarotu.
Pakul Alaksandr Iosifavič piša supracoŭnikam redakcyi, što ŭ płanie zdaroŭja ŭ jaho «ŭsio dobra» — naturalna, nakolki heta moža być va ŭmovach śledčaha izalatara KDB.
«Rehularna baču samoha siabie ŭ televizary, — napisaŭ Fiaduta ŭ adnym sa svaich listoŭ. — Tamu paviedamlaju:
1. Heta sapraŭdy ja.
2. Ja sapraŭdy pryznaju siabie ŭdzielnikam zmovy.
3. Ja sapraŭdy daju pakazańni.
4. Mianie nie katujuć, nie ciarzajuć, nie mučajuć. Mała taho: mnie akazvajecca ŭsia nieabchodnaja miedycynskaja dapamoha. Z hetaha punktu hledžańnia ŭsio dobra».
Kamientary