U Rumynii prachodzić druhi tur prezidenckich vybaraŭ, jakija ŭžo nazyvajuć pavarotnym momantam u historyi krainy. Za najvyšejšuju dziaržaŭnuju pasadu zmahajucca lidar ultrapravych «Aljansu za abjadnańnie rumynaŭ» Džordže Simijon i dziejny mer Bucharesta, centryst Nikušor Dan.
38-hadovy Džordže Simijon atrymaŭ pieramohu ŭ pieršym tury, nabraŭšy amal 41% hałasoŭ. Jon pieramoh u 36 z 47 vybarčych akruh krainy, sastupiŭšy pieravažna ŭ bujnych haradach, u tym liku ŭ stalicy.
«Naša kraina zasłuhoŭvaje viartańnia da sapraŭdnych kaštoŭnaściej. Ja hanarusia tym, što pradstaŭlaju sapraŭdny rumynski narod, a nie elitu, jakaja šmat hadoŭ pradavała našyja intaresy», — zajaviŭ Simijon.
Simijon — prychilnik Donalda Trampa, a jahonaja partyja pazicyjanuje siabie jak «prachryścijanskuju i prasiamiejnuju». Jon vystupaje suprać vajskovaj dapamohi Ukrainie (pry hetym asudžajučy Rasiju) i padtrymlivaje Kelina Džardžesku — kandydata, jakoha abvinavačvali ŭ suviaziach z Rasijaj i nie dapuścili da vybaraŭ.
U Buchareście, horadzie z vysokim uzroŭniem adukacyi i mocnymi prajeŭrapiejskimi nastrojami, Simijon paciarpieŭ paražeńnie. Zatoje jon atrymaŭ padtrymku siarod viaskovaha nasielnictva i tych, chto rasčaravaŭsia ŭ tradycyjnych palitykach.
Supiernik Simijona, Nikušor Dan, aktyŭna abapirajecca na prajeŭrapiejski elektarat i papiaredžvaje pra ryzyku izalacyi Rumynii ŭ vypadku pieramohi ŭltrapravych.
Rašeńnie vybarcaŭ u druhim tury moža vyznačyć dalejšy kurs krainy, jaje adnosiny ź ES i NATA.
Ciapier čytajuć
Zatrymany ŭ Polščy biełaruski taksist-špijon byŭ siabram «Paspalitaha rušeńnia»14
Zatrymany ŭ Polščy biełaruski taksist-špijon byŭ siabram «Paspalitaha rušeńnia»
Rasijskija i łukašenkaŭskija śpiecsłužby na fonie zalotu dronaŭ u Polšču praviali infaataku. Jaje zładžanaść daje padstavy dumać, što zalot byŭ spłanavany1313
Kamientary