Dzianisu Ivašynu na dva miesiacy praciahnuli termin utrymańnia pad vartaj
Hrodzienskamu žurnalistu Dzianisu Ivašynu jašče na dva miesiacy praciahnuli termin utrymańnia pad vartaj. Pra heta paviedamliła ŭ sacyjalnych sietkach jaho žonka Volha Ivašyna.
Taksama Volha piša, što Dzianisa paśla dziesiaci dzion znachodžańnia ŭ karcary źmiaścili ŭ karancin, piša BAŽ.
«Administracyja śćviardžaje, što niechta ź jahonaj kamiery zachvareŭ (nieviadoma na što), i Dzianis čamuści pravioŭ paru dzion u šmatludnym «karancinie», — paviedamiła Volha ŭ Facebook.
Stała viadoma, što Dzianis Ivašyn atrymaŭ pieradačy, jakija Volha razam ź siabrami žurnalista zdoleła pieradać jamu ŭ hrodzienskuju turmu.
Volha Ivašyna adznačaje, što Dzianisu adasłana zvyš za 50 listoŭ i paštovak: «Pasprabujem vyśvietlić, kolki ź ich jon nasamreč atrymaŭ, i, jak što, zapytajemsia ŭ administracyi turmy, kudy jany padzieli astatniaje».
Pavodle Volhi, na siońnia suviaź ź Dzianisam, jaki znachodzicca za kratami bolš za dva miesiacy, vielmi frahmientarnaja — tolki praź listy i advakata.
Napisać list Dzianisu moža luby achvotny na adras: Ivašynu Dzianisu Jaŭhienaviču, turma №1, vuł. Kirava 1, Hrodna, 230023.
Dapamahčy siamji Ivašynych mahčyma, pieraličyŭšy hrošy na rachunak BPS-ŚBIERBANK:
5435 5311 6677 1004 da 08.23
LIUDMILA IVASHINA-DOBINA
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Kamientary