Łukašenka abvinavaciŭ Lvoŭ i Kijeŭ u tym, što nie chacieli pryniać «zaminiravany» Ryanair. Ukrainskija dyśpietčary: Heta chłuśnia
Alaksandr Łukašenka zajaviŭ, što niekatoryja harady nie zachacieli pryniać samalot Ryanair paśla paviedamleńnia ab minavańni. Palityk abvinavaciŭ Kijeŭ, Lvoŭ, Vilniu i Varšavu. Ukraincy heta abviarhajuć.
Palityk vykazaŭ zdahadku, što inšyja krainy pabajalisia adkaznaści i tamu nie pryniali samalot «z vybuchoŭkaj». Jon navat adznačyŭ, što kamuści «mahło być treba, kab samalot spyniŭsia ŭ Minsku».
«Čamu kamandzir ekipaža vyrašyŭ pasadzić u Minsku, kali da Vilni zastavałasia kala 70 kiłamietraŭ? Čamu nichto nie zachacieŭ pryniać samalot, kali my paviedamili ab zakładzienaj vybuchoŭcy? Ni Vilnia, kudy jon lacieŭ, ni Varšava, ni Lvoŭ abo Kijeŭ», — zajaviŭ palityk.
Nasamreč paviedamleńnie ab nieabchodnaści pryniać samalot z vybuchoŭkaj nie pastupała ŭkrainskim dyśpietčaram. Pra heta žurnalistam 24 kanała raspaviała pres-sakratarka dziaržaŭnaha pradpryjemstva «Ukrajeroruch» Aksana Ožyhava.
«Infarmacyja nie adpaviadaje rečaisnaści», — zajaviła Ožyhava.
Kiraŭnik pradpryjemstva Andrej Jarmak paviedamiŭ, što na praciahu 25-chvilinnaha znachodžańnia samalota ŭ Lvoŭskim rajonie palotnaj infarmacyi pieramovy ekipaža z ukrainskimi dyśpietčarami prachodzili ŭ štatnym režymie. Nijakija paviedamleńni ab niestandartnaj situacyi na borcie samalota i zapyty na źmianieńnie płana palotu nie pastupali ni ź jakich krynic.
U pres-słužbie aeraporta «Kijeŭ» taksama raspaviali, što nie atrymlivali paviedamleńnia ab zaminiravanym samalocie.
-
«Manueła Łukašenka». U Hiermanii kiraŭnicu rehijona abrazili paraŭnańniem ź biełaruskim dyktataram
-
ZŠA vypadkova departavali mieksikanca, jakoha padazrajuć u najbujniejšym rabavańni kaštoŭnaściej u historyi krainy
-
U «Domie volnaj Biełarusi» ŭ Lvovie ŭšanavali pamiać Michaiła Žyźnieŭskaha. Tam ciapier zachoŭvajecca i pomnik hieroju
Ciapier čytajuć
Zialenski ŭ Vilni: Pakul špic Łukašenki maje bolš pravoŭ, čym narod Biełarusi20
Kamientary