NASA (Nacyjanalnaje kaśmičnaje ahienctva ZŠA) uchvaliła dźvie misii na Vienieru, jakija stanuć pieršymi dla ZŠA paśla bolš čym 30-hadovaha pierapynku.
Pra heta zajaviŭ namieśnik administratara NASA pa navucy Tomas Zurbuchien, piša RBK.
«My aktyvizujem našu prahramu pa płanietarnaj navucy, intensiŭna daśledujučy śviet, jaki NASA nie naviedvała bolš za 30 hadoŭ», — skazaŭ jon.
Ekśpiedycyi pavinny adpravicca na Vienieru ŭ 2028-2030 hadach. Na kožnuju NASA vydatkuje kala $500 młn.
U lutym 2020 hoda byli raspracavanyja čatyry kancepcyi misij na Vienieru. Paśla praviadzieńnia ekśpiertnaj acenki byli kančatkova vybrany dźvie ź ich: DAVINCI+ i VERITAS.
Zadača DAVINCI+ daśledavać atmaśfieru Vieniery. Heta pieršaja misija ZŠA ŭ atmaśfieru Vieniery z 1978 hoda. «Vyniki mohuć źmianić naša razumieńnie farmavańnia płaniet ziamnoj hrupy ŭ Soniečnaj sistemie i za jaje miežami», — adznačyła NASA.
Kamientary