Bajden abmiarkuje ź lidarami krain Bałtyi «pavietranaje piractva ŭ Biełarusi»
Prezident ZŠA Džo Bajden praviadzie na palach samitu NATO sustreču ź lidarami krain Bałtyi, paviedamiŭ pamočnik Bajdena pa nacyjanalnaj biaśpiecy Džejk Salivan, piša TASS.
«Jon sustreniecca na palach samitu z bałtyjskimi prezidentami <…>», — zajaviŭ Salivan. Na jaho dumku, kiraŭniki krain Bałtyi «źjaŭlajucca jarkim prykładam demakratyčnaha kiravańnia na ŭschodnim fłanhu NATO». Bajden maje namier abmierkavać ź imi ŭ tym liku «vykliki i pahrozy» z boku Rasii. Baki taksama razhledziać pytańni, jakija adnosiacca da zabieśpiačeńnia kibierbiaśpieki i novych technałohij, «u raspracoŭcy jakich Bałtyja źjaŭlajecca lidaram».
Akramia taho, adznačyŭ Salivan, na hetaj sustrečy havorka pojdzie pra vykliki z boku Kitaja «i, viadoma, ab niadaŭnim pavietranym piractvie ŭ Biełarusi».
32-i samit NATO, jaki projdzie ŭ Bruseli 14 červienia z udziełam Bajdena, stanie samym karotkim amal za 20 hadoŭ. Jon budzie praciahvacca adzin dzień i składacca tolki z adnoj rabočaj siesii praciahłaściu prykładna 2,5 hadziny.
«Anlifanščyca ź Pinska» kaža, što jana nie anlifanščyca i nie ŭ rabstvie ŭ Mjanmie6
Kamientary